Fakamoʻoni Makehe
Ko e hā ʻoku fuʻu mahuʻinga ai ʻa e ngāue hisitōlia fakafāmilí?
Toʻo mei he “ʻE Liliu ʻa e Loto ʻo e Fānaú,” Liahona, Nōvema 2011, 24–27.
Ko e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá ko e kau fakamoʻoni makehe ʻo Kalaisi.
Naʻe fakahā ʻe he Palōfita ko Siosefa Sāmitá ko hotau “fatongia maʻongoʻonga taha ʻi he māmaní … ke tau fekumi ki hotau kau pekiá.”1
Ko e hisitōlia fakafāmilí ko ha konga mahuʻinga ia ʻo e ngāue ʻo e fakamouí mo e hakeakiʻí.
ʻOku tau maʻu ʻa e fatongiá ko ha fuakava ke kumi ʻetau ngaahi kuí mo ʻoange kiate kinautolu ʻa e ngaahi ouau fakahaofi ʻo e ongoongoleleí.
ʻOku ou fakaafeʻi atu e toʻu tupu ʻo e Siasí ke nau ako pea aʻusia e Laumālie ʻo ʻIlaisiaá.2
ʻOku ou poupou atu ke mou ako, fekumi ki hoʻomou ngaahi kuí, pea teuteuʻi kimoutolu ke fai ʻa e papitaiso fakafofonga ʻi he fale ʻo e ʻEikí maʻa hoʻomou ngaahi kui kuo pekiá.”
ʻI hoʻomou tali ʻi he tui ʻa e fakaafe ko ʻení, ʻe liliu homou lotó ki he ngaahi tamaí.
ʻE tupulaki ʻa hoʻomou ʻofa mo e houngaʻia ʻi hoʻomou ngaahi kuí.
ʻE maluʻi kimoutolu ʻi hoʻomou kei toʻu tupú pea ʻi hoʻomou moʻuí kotoa.
ʻE mālohi mo tuʻuloa ange hoʻomou fakamoʻoni mo hoʻomou ului ki he Fakamoʻuí.
Tā fakatātaaʻi ʻe Adam Koford