Maʻá e Fānau Īkí
Ko ha Ngoue Fonu he Ngaahi Tāpuakí
Mmmm! Mmmm! Mmmm! Naʻe tō ha kiʻi hone lanu engeenga ʻi ha matalaʻi ʻakau ofi kia ʻAnitulia. Naʻá ne puna hake peá ne fakavavevave atu. Naʻe ʻikai ke saiʻia ʻa ʻAnitulia he fanga honé. Naʻá ne hiki ki ha ngaahi feituʻu kehe ʻo e ngoué ke taʻataʻaki e vaó ʻi ha veʻe temata ne failau.
Naʻe māfana e tuʻa ʻo ʻAnitulia ʻi he laʻaá. Naʻá ne lava ʻo fanongo ʻoku ofi mai ʻene Faʻeé ʻi he ʻotu koané. Fakafokifā pē kuo fanongo ʻa ʻAnitulia ʻoku toe lahi ange e mumuhú. Mmmm! Mmmm! Mmmm! Naʻá ne lele ke kumi ʻene Faʻeé.
Naʻá ne pehē, “ʻE Mami, ʻoku fuʻu lahi e fanga honé!” ʻOku ou loto ke ngāue ʻi he ngoué taʻe ʻi ai ha fanga hone.”
Naʻe pehē ʻe he Fineʻeikí, “ʻOku tau fie maʻu e fanga honé ke tupu ʻetau ngoué!” “Naʻe fakatupu ʻe Sīsū ʻa e fanga honé ke fakafua e ngaahi fuʻu ʻakaú kae lava ke tau maʻu e meʻakai ʻoku tau saiʻia taha aí.”
“Ka ne ʻikai e fanga honé he ʻikai ʻi ai haʻatau ngoue?” Naʻe kole ʻa ʻAnitulia. Naʻá ne fakakaukau ki he kotoa ʻo ʻene fanga kiʻi ʻakau ʻoku saiʻia taha aí. Naʻá ne manako he ngaahi matalaʻi ʻakau fakaʻofoʻofá. Naʻe saiʻia ke kai ʻa e situloapeulí mo e temata. ʻE loto-mamahi ke moʻui ʻi ha māmani taʻe kau ai ʻa kinautolu.
Naʻe pehē ʻe ʻAnitulia “ʻOku ou fiefia naʻe ngaohi ʻe Sīsū ʻa e ʻakaú.” “ʻOku ou fiefia naʻá Ne fakatupu foki mo e fanga hone!”