Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit sa family home evening. Ang mosunod mao ang duha ka mga ehemplo.

“Pito ka Adlaw sa Dili pa ang Pasko sa Pagkabanhaw [Easter],” pahina 10, ug “Ang Linain nga mga Saksi Nagpamatuod sa Buhi nga Kristo,” pahina 16: Mahimo ninyong gamiton ang mga materyal niining mga artikulo sa pagpahigayon sa kada adlaw nga debosyonal uban sa inyong pamilya sa semana sa wala pay Pasko sa Pagkabanhaw [Easter]. Sugod sa Dominggo sa wala pay Pasko sa Pagkabanhaw, basaha ang mga pagpamatuod sa Unang Kapangulohan sa pahina 17 ug sunda ang mga instruksyon sa “Pito ka Adlaw sa Dili pa ang Pasko sa Pagkabanhaw [Easter].” Sa matag adlaw nga mosunod, basaha ang mga pagpamatuod sa duha ka mga Apostoles ug gamita ang mga kasulatan, mga kanta, ug mga kalihokan sa “Pito ka Adlaw sa Dili pa ang Pasko sa Pagkabanhaw [Easter]” sa pagpakigbahin sa mensahe uban sa inyong pamilya. Inigka Dominggo sa Pagkabanhaw, mahimo ninyong tan-awon ang Bible video “He Is Risen” nga makita sa lds.org/bible-videos (anaa sa daghang pinulongan).

“Sayon ra Kaayo Kana, Lolo!” pahina 67: Human og basa niining artikulo, mahimo usab ninyong kuhaon ang inyong stopwatch! Ikonsiderar ang pagbasa og usa ka pahina sa Basahon ni Mormon isip pamilya ug orasi kon unsa ka dugay mong nagbasa. Mogamit niana nga oras isip giya, ibana-bana ang gidugayon sa inyong pamilya sa pagbasa sa Basahon ni Mormon. Mahimo kamong maghimo og tumong sa pagbasa og dungan sa Basahon ni Mormon. Ang pagmugna og eskedyul, sama sa pagbasa sumala sa nasabutang oras kada adlaw, makatabang nga matuman ang inyong tumong.

Paghulagway sa litrato pinaagi ni David Stoker

Sa Inyong Pinulongan

Ang Liahona ug ubang mga materyal sa Simbahan anaa sa daghang mga pinulongan sa languages.lds.org.