Mensahe sa Visiting Teaching
Ang Balaan nga Misyon ni Jesukristo: Manluluwas ug Manunubos
Tun-i sa mainampuong paagi kini nga materyal ug tinguhaa nga masayran kon unsa ang ipakigbahin. Sa unsang paagi ang pagsabut sa kinabuhi ug misyon sa Manluluwas makadugang sa inyong pagtuo diha Kaniya ug makapanalangin niadtong inyong giamuma pinaagi sa visiting teaching? Alang sa dugang nga impormasyon, adto sa reliefsociety.lds.org.
Hugot nga Pagtuo, Pamilya, Kahupayan
Usa sa labing importanting mga titulo ni Jesukristo mao ang Manunubos,” miingon si Elder D. Todd Christofferson sa Korum sa Napulog Duha ka mga Apostoles. “Ang pagtubos nagpasabut sa pagbayad og obligasyon o utang. Ang pagtubos nagpasabut usab sa pagluwas o paghatag og kagawasan pinaagi sa pagbayad. … Ang kada usa niini nga mga kahulugan nagpakita og lain-laing bahin sa mahinungdanong Katubsanan nga nahimo ni Jesukristo pinaagi sa Iyang Pag-ula, nga naglakip, sa mga pulong sa diksyonaryo, “sa pagluwas gikan sa sala ug sa mga silot niini, nga dunay sakripisyo nga gihimo alang sa makasasala.’”1
Si Linda K. Burton, kinatibuk-ang presidente sa Relief Society, miingon: Ang “Langitnong Amahan … gipadala ang Iyang Bugtong ug hingpit nga Anak sa pag-antus sa atong mga sala, sa atong mga kaguol, ug sa tanang ingon og dili makiangayon sa atong indibidwal nga mga kinabuhi.
“… Usa ka babaye kinsa nakaagi og mga pagsulay ug kasakit sulod sa mga katuigan misulti nga naghilak, ‘Akong naamguhan nga sama ako sa usa ka karaang 20 dolyares nga kwarta—kinumot, gisi-on, hugaw, giabusaran, ug dunot. Apan … gihapon ang akong bili 20 dolyares.’ Kini nga babaye nahibalo nga siya … may bili igo [sa Dios] sa pagpadala sa Iyang Anak sa pagtubos alang kaniya, mismo. Ang matag sister sa Simbahan kinahanglan nga masayud unsay nahibaloan niini nga babaye.”2
Gikan sa mga Kasulatan
Gikan sa Atong Kasaysayan
Ang Bag-ong Tugon naglakip sa mga asoy sa mga babaye kinsa migamit og hugot nga pagtuo kang Jesukristo, nakakat-on ug misunod sa Iyang mga pagtulun-an, ug mipamatuod sa Iyang pangalagad, mga milagro, ug kaharianon.
Si Jesus miingon sa babaye didto sa atabay:
“Bisan kinsa nga magainom sa tubig nga akong igahatag kaniya dili na gayud pagauhawon; kay ang tubig nga akong igahatag kaniya mahimong diha sa sulod niya usa ka tubod sa tubig nga magatubo ngadto sa pagkakinabuhing dayon.
“Ang babaye miingon kaniya, Senyor, hatagi ra ko nianang tubiga aron dili na ako uhawon. …
“Ako nasayud nga [ang Mesiyas] umaabut, nga ginatawag og Kristo: inig-abut na unya niya, siya mao ang magsaysay kanato sa tanang mga butang.
“Si Jesus miingon kaniya, Ako nga nakigsulti kanimo mao siya.”
Iyang “gibiyaan ang iyang banga” ug mipamatuod Kaniya diha sa siyudad. (Tan-awa sa Juan 4:6–30.)