Ang Gahum sa Pagpanalangin sa Tanang mga Tawo

Ang mga lider sa Simbahan nagtudlo nato nga ang mga ordinansa ug mga pakigsaad sa priesthood anaa para sa tanang mga anak sa Dios—mga lalaki ug mga babaye.

paghulagway pinaagi ni Gail Armstrong

“Ang priesthood mao ang gahum ug awtoridad sa Dios nga gihatag alang sa kaluwasan ug panalangin sa tanan—kalalakin-an, kababayen-an, ug kabataan.  …

“Adunay espesyal nga mga panalangin gikan sa Dios sa tanang takus nga mga tawo kinsa gibunyagan, midawat sa Espiritu Santo, ug miambit kanunay sa sakrament. Ang templo nagdala og dugang kahayag ug kalig-on, uban ang saad sa kinabuhing dayon [tan-awa sa D&P 138:37, 51].”

Elder Neil L. Andersen sa Korum sa Napulog Duha ka mga Apostoles, “Gahum sa Priesthood,”Ensign o Liahona, Nob. 2013, 92.

“Kini nga mga ordinansa ug mga pakigsaad sa priesthood naghatag og agianan ngadto sa kahingpitan sa mga panalangin nga gisaad kanato sa Dios, nga nahimong posible pinaagi sa Pag-ula sa Manluluwas. Kini nagsangkap sa anak nga mga lalaki ug mga babaye sa Dios uban sa gahum, gahum sa Dios, ug naghatag nato og oportunidad sa pagdawat og kinabuhing dayon—sa pagbalik ngadto sa presensya sa Dios ug pagpuyo uban Kaniya diha sa Iyang mahangturong pamilya.”

Carole M. Stephens, unang magtatambag sa kinatibuk-ang kapangulohan sa Relief Society, “Nahibalo ba Kita Unsay Anaa Kanato?” Ensign o Liahona, Nob. 2013, 12.

“Mahinungdanon kaayo nga kita makasabut nga ang Langitnong Amahan naghatag og paagi sa tanan Niyang mga anak nga makaangkon sa mga panalangin ug malig-on sa gahum sa priesthood. Importante sa plano sa Dios para sa Iyang espiritung mga anak mao ang Iyang kaugalingong pamahayag: “Mao kini ang akong buhat ug ang akong himaya—ang pagpahinabo sa pagka-imortal ug sa kinabuhi nga dayon sa tawo’ (Moises 1:39).”

Elder M. Russell Ballard sa Korum sa Napulog Duha ka mga Apostoles, “‘Kini ang Akong Buhat ug Himaya,’” Ensign o Liahona, Mayo 2013, 19.