Ang Ganghaan ug ang Dalan

Ang mga ordinansa ug mga pakigsaad sa priesthood mipahimutang nato sa dalan sa kinabuhing dayon ug mopanalangin nato sa kalig-on nga atong gikinahanglan karon.

Kitang tanan nagtinguha og kinabuhing dayon, diin nagpasabut nga maluwas ug mahimaya sa kinatas-an sa celestial nga gingharian, diin kita makapuyo sa presensya sa Langitnong Amahan isip mga pamilya.

Ang mga ordinansa ug mga pakigsaad sa priesthood nagtugot nato sa pagsulod sa dalan padulong sa kinabuhing dayon. Dili igsapayan kon kanus-a kamo misubay niini nga dalan o diin na kamo dapit niini—bisan natawo man kamo sa Simbahan o nakabig, aktibo man kamo sa tibuok kinabuhi o bag-o lang mibalik sa pagkaaktibo sa kalihokan sa Simbahan—kamo mouswag subay niini samtang kamo mag-focus sa inyong mga pakigsaad ug unsay inyong mahimo sa pagdawat ug pagsunod niini.

Dugang sa hugot nga pagtuo diha kang Jesukristo ug paghinulsol, ang mga ordinansa ug mga pakigsaad sa priesthood makapahimo nato sa pagsubay sa dalan paingon sa kinabuhing dayon. Naghatag usab kini nato sa kalig-on, kahupayan, ug suporta nga atong gikinahanglan karon sa pagsubay sa dalan ug paglahutay hangtud sa katapusan diha sa pagkamatarung.

Ganghaan

Ang dalan padulong sa kinabuhing dayon (paglahutay hangtud sa katapusan)

Tan-awa sa 2 Nephi 31

“Ang pagpabilin diha sa dalan sa ebanghelyo sa mga pakigsaad, mga sugo, ug mga ordinansa manalipod ug moandam nato sa paghimo sa buhat sa Dios dinhi sa kalibutan.”

Elder Robert D. Hales sa Korum sa Napulog Duha ka mga Apostoles, “Lig-ong Mobarug sa Balaan nga mga Dapit,” Ensign o Liahona, Mayo 2013, 49.

• Importante nga mga Ordinansa ug mga Pakigsaad

  

  “Ang awtoridad sa priesthood diha sa Simbahan ang nagpahigayon sa sagrado nga mga ordinansa ug mga pakigsaad nga nagbugkos sa mga pamilya ug naghatag nato og kahigayunan nga makabalik ngadto sa Dios nga Amahan ug ni Jesukristo sa celestial nga gingharian. Kini nga mga ordinansa makahatag og kalinaw tungod kay kini mga pakigsaad uban sa Ginoo.”

  Elder Quentin L. Cook sa Korum sa Napulog Duha ka mga Apostoles, “Personal nga Kalinaw: Ang Ganti sa Pagkamatarung,” Ensign o Liahona, Mayo 2013, 34.

  • Bunyag

  • Gasa sa Espiritu Santo

  • Pagtugyan ug ordinasyon sa priesthood (alang sa BATAN-ONG MGA LALAKI)

  • Endowment didto sa Templo

  • Sealing didto sa Templo

• Pagbag-o ug Paglig-on sa mga Ordinansa

  

  “Samtang kamo takus nga moapil sa mga ordinansa sa priesthood, ang Ginoo mohatag kaninyo og mas dako nga kalig-on, kalinaw ug mahangturong panan-aw.”

  Elder Neil L. Andersen sa Korum sa Napulog Duha ka mga Apostoles, “Gahum sa Priesthood,” Ensign o Liahona, Nob. 2013, 95.

  • Sakrament—sinemana nga pagbag-o sa pakigsaad sa bunyag

  • Patriyarkal nga panalangin—espesyal nga giya sa indibidwal ug ang gisaad nga mga panalangin

  • Panalangin alang sa mga masakiton— pagtabang ug pag-ayo

  • Ang mga panalangin sa amahan ug ubang mga panalangin sa kahupayan ug tambag—kalinaw ug giya nga gikinahanglan

Kinabuhing dayon (celestial nga gingharian uban sa pamilya)

Mga Tabang diha sa Dalan

Mga Kasulatan—giya ug panudlo nadawat isip kabahin sa pakigsaad tali sa Dios ug sa Iyang mga katawhan (tan-awa sa D&P 84:57)

Pag-ampo—“[Ang Manluluwas] mitanyag nato sa pakigsaad nga ‘kanunay mohinumdom Kaniya’ ug ang pasidaan sa ‘pag-ampo kanunay’ aron atong mabutang ang atong pagsalig diha Kaniya, ang bugtong nato nga kaluwasan” (Presidente Henry B. Eyring, Unang Magtatambag sa Unang Kapangulohan, “Always,” Ensign, Okt. 1999, 9).

Pagserbisyo—pagtuman sa atong mga pakigsaad pinaagi sa pagserbisyo sa Dios ug sa Iyang mga anak, lakip sa mga calling, buhat sa templo ug family history, pagpakigbahin sa ebanghelyo, full-time nga misyonaryo nga pagserbisyo.

Paghinulsol—paghinumdom sa atong mga pakigsaad ug pagpaduol sa Manluluwas kon kita nahisalaag, usahay lakip ang tabang gikan sa mga lider sa priesthood