Raoraom ni katobibia te Aonaaba
Ngai Bárbara mai Chile
Te tia karaki e maeka i Utah, USA.
¡Hola, amigos!*
E maeka Bárbara i Chile, te kaawa i maeaon mataniwin te aba i Amerika Maiaki. E a abwabwaki ao ni kairariki ao n taraaki kanga ai aron te reeben. Tabeua aono a bon kabuebue ao ni mwau (n aron Rereuan Atacama, ao tabeua a mena n iteran te ekuetoa ao a aomwaimwai (n aron te Aba ae Easter). E maeka ni kautuun Chile, Santiago.
Bon tii ngai kaain te Ekaretia n au kiraati n au reirei. Aei e anganai au tai n tuanga tamau taekan Iesu Kristo ao ana Boki Moomon. Teuana te tai raoraou ae tamaroa e butiai bwa N na reireinna n tataro. Ngaia are I a karaoia. Ngkanne ti a kaai n tataro n ara tai ni katawanou n te reirei.
Bon ruaiwa au ririki ni maiu ao iai uoman mwaaneu aika karimwiu. I kataia n riki bwa mwaaneia ae e a ikawai ae raoiroi ao ni buokia n tararuaia ao n takakaro ma ngaia. I tangiria n tararuaia ataei aika uarereke. I tangiria ni kan riki bwa te tia reirei ngkana I a ikawai.
N 2013 I a tokara au ka waniua n ririki ao ni bwabetitoaki ao ni kamatoaki iroun tamau. I bon rang ni kukurei. Bon te taneiai ae onoti are N na ururingnga n tainako.
Ti bukamarui motirawa aika a kaunga i Chile. N 18 n Tebetembwa bon Bongin te Inaomata, ao n te 19 bon aia Bong te Tangantautia. Inanon boong aika uoua aikai, ti mwaie ni mwaiein abara ae aranaki bwa “La Cueca” ao ni kang irikomaiu aika kangkang aika reke man taabo ni bobwai aika a rangin n nakoraoi.
N tain te wiikente, a utu a tangiria ni kan nako n nakonako ao ni buti n te bao are e buti iaon maunga irarikin mweengara. Ti tangiria ni kan nako naba nakon te bike.
Ti booa ara baka n amwarake ae onoti ibukin te Kiritimati―te ati ae kanoaaki n taian tomato. I Chile, e roko Santa Claus n nukanibongin raoi te Kiritimati. Ti kataia n aki matu ni karokoa are e roko!
Angatai: kamatatan te baeki n te tamnei iroun Thomas S. Child