Te Rongorongo n Reirei ni Kakawari
Ana Mwakuri ae Tabu Iesu Kristo: Te Bwerena ni Kamaiu
Tataro mwaaka ibukin te beeba aei ao ukoukoria bwa ko na ata te bwai ae ko na tibwauaia. E na kanga ataakin maiun ao mwiokoan te Tia Kamaiu ni kakorakora am onimaki Irouna ao ni kakabwaiaia naake ko tararuaia rinanon te kakawari n reirei? Ibukin rongorongona riki tabeua, nakon reliefsociety.lds.org.
Onimaki, Utu, Buoka
Kamatataan te rongorongo man In Remembrance of Me, iroun Walter Rane
E taku Iesu, “Ngai te berena are kamaiu are e ruo mai karawa: ngkana e amwarake n te berena aei te aomata, ao e na maiu n aki toki” (Ioane 6:51). “E reireiniira Iesu, Ana Reirei, bwa ti riai n taraa te Atua ni katoa bong ibukin te berena―te buoka ao kanara―ake ti tangiri inanon te bong anne,” e taku Unimwaane D. Todd Christofferson man te Kooram n Abotoro are Tengaun ma Uoman. “Ana kakao te Uea … e taekina te Atua ae tangira, n ataa te bwai ae uarereke, kainnanoia Natina ao n ingainga ni kan buokiia, temanna imwiin temanna. E taekinna bwa ti kona ni bubuti inanon onimakinan te Aomata anne ‘ae tituaraoi n anganiia aomata ni kabaneia, n aki ngurengureakiniia; ao e na bon anganaki’ (Iakobo 1:5).”1 Ngkai ti ataia bwa Iesu Kristo e na karekei kainnanora, ti na rairaki nakoina ibukin kanan tamneira.
Unimwaane Jeffrey R. Holland man te Kooram n Abotoro are te Tengaun ma Uoman e kaoiira “bwa ti na iira aia mwananga ana reirei Kristo ake ngkoa ake a tangira naba te berena ni kamaiu―te koraki ake aki oki ma a nakoina, a tiku ma Ngaia, ao a kina bwa anne ibukin te katanaki ao te kamaiuaki are bon akea riki ae a na kawaria.”2
Rakan riki Booki aika Tabu
Man Koroboki aika Tabu
Iesu Kristo e reireiniia aomata aika uanao ae raka nakon 4,000 mwaitiia. Imwiin teniua te bong, E taku nakoia Ana reirei: “I nanoangaia aomata, bwa a … akea kanaia:
“Ao ngkana tao I kanakoia nakon aia auti ngkai n aki matam, ao ane a na matenibaki inanon te kawai. …
”Ao a kaeka ana reirei, E kona temanna ni kangaeia aomata aikai n te berena maia, ngkai te rereua aei?
“Ao [Iesu] e titirakiniia, Iraua te berena iroumi? Ao a taku, Itiua.”
Imwiina Kristo “e anai berena ake itiua, ao e tataro ni katituaraoi, ao e tabeutai, ao n anganiia ana reirei bwa a na kaaki imataia; …
“Ao iai irouia ika aika uarereke aika tabeman: ao e tataro, ao E tua bwa a na kaki naba aikai imataia.
“Ao a kang, ao a ngae: ao a ikoti nikirani kanaia ake a tabeutaki, ao a on iai itikora te bwaene.” (Taraa Mareko 8:1–9.)