Ara Iteraniba
N te bong teuana, teutana te tai imwaain ae I bwabetitoaki, I bon mena n ana auti tibu te unaine ngke e nako n te ruu are iaotano bwa iai te bwai ae e na anaia. E reke waena ao e bwaka ao e aki kona n teirake. E weweteai, ma I mataku n te Terewition ao I aki ongo bwanaana. Imwiin 10 te mitini, I ongo arau ma te bwanaa ae marau, “Tom!” I nako ni kakaea ao ni kunea ni wene iaon te timanti. I bon aki korakora are N na kona ni buokia ni kateirakea, ngaia are I biri nakon ana auti kaain rarikiu. E roko ao e a buoka Tibu te unaine ni kateirakea.
E tuangai Tibu te unaine, “Tom, bon anne te Tamnei ae Raoiroi are ko ongo. I bon raroa nako mairoum are ko aki kona n ongo bwanaau.”
I ataia bwa bon te Tamnei ae Raoiroi are e wirikiriki nakoiu. Ngkai I a bwabetitoaki, ao I kukurei ni karekea te Tamnei ae Raoiroi.
Tom R., ana ririki 8, Tiaman
Natalia A., ana ririki 10, Colombia
Olivia I., 8 ana ririki, mai Romania, e tangiria ni kan buoka tinana ni kaitiaka te auti. E reireinna tinana ao 13 raoraona, ao ngke a motirawa teutana e baka n riki bwa te tia reirei. E tangiria ni kan mwananga ma ana karo ao ni kabane aia tai ma tibuna. Ngke e bwabetitoaki e namakina kaanna ma te Tama are i Karawa, ao e kakaitau bwa e kona ni karekea te Tamnei ae Raoiroi ni buokia ni karaoa ana babaire. Mamaten nanona ni kunan te Moanrinan bon “Follow the Prophet” (Children’s Songbook, 110).
Liu C., ana ririki 7, Ecuador
Thierry M., 7 ana ririki, mai Brazil, e tangiria n irira te Moanrinan ao n anenei kuna n taromauri. E ataia bwa te tembora bon maneaban te Uea.
I tangiria n nako n taromauri ma au utu ao n reiakina taekan Iesu Kristo. N te mweenga I tangiria ni wareware ao n reiakin karaki man booki aika tabu, n anenei kuna n taromauri, ao n takakaro n taian takakaro n tain te bootaki n utu n te tairiki. Ana euangkerio Iesu Kristo e kakabwaia au utu, ao e karikai bwa N na kukurei. I anga ana Boki Moomon nakoia taan tia reirei aika uoman n au reirei ao nakon ana utu raoraou ae tamaroa, Miguel.
Martim P., ana ririki 6, Portugal