Au Koaua ae Kabaeaki

Iroun Ivy Noche

E maeka te tia korokaraki i Singapore.

Ibukiu, koauan ana Euangkerio Iesu Kristo ao koauan Ana Boki Moomon a bon kabaeaki. Ngkana e koaua te euangkerio, ao e koaua Ana Boki Moomon.

A reireiniia au utu mitinare n te euangkerio ni mwengara i Singapore. E aki kaina te Ekaretia au karo, ma e kainna tinau. E reireiniira taekan Iesu Kristo ao Ana Ekaretia. N aron ae te ataaei I tuangiia raraou ma te kakatonga bwa Ngai te Aomata ae Itiaki ni Boong aika Kaitira.

I aki toki ni kakoauai ana reirei tinau. Ma ngke I a ikawai, e titirakinai te mitinare bwa mwaitira au tai ae I a tia ni wareka Ana Boki Moomon, I a tia n titirakinaki te titiraki aio mai mwaina, ma n te tai aio I a ataia bwa ibukina bwa I tuai wareka Ana Boki Moomon. I aki ataia ngkana e koaua.

Te Koaua ae aki kona ni Kakeweaki

I aki kona n totokoa te bwai ae koaua: koauan ana euangkerio Iesu Kristo ao koauan Ana Boki Moomon a bon irekereke. Ngkana e koaua te euangkerio, ao ngkanne Ana Boki Moomon e koaua. Ngke I aki ataia bwa e koaua ana Boki Moomon, I namakinna ngkai bwa I aki kakoauaibwaai nako ake I rikirake inanoia. E kaona au iango te nanououa, ao te titiraki―“E koaua Ana Boki Moomon?”―e tiku inanou.

Rikiraken au reitaki ma te Tia Kamaiu, Iesu Kristo, e kairai nakon tangirakin te koaua. N te bong are I a ataia bwa I aki kona n reiakina ae bati ibukin rongorongon Iesu Kristo n aki wareka Ana Boki Moomon bon te bong aree korakora iai nanou ni kan ataiangkana e koaua.

I Weteaki bwa te Tia Reirei

I tataro ibukin kairakiu. Inanon te tai aio, au beretitenti n te mwaanga e weteai bwa N na reirei taekan Ana Boki Moomon inanon te kiraati n Reirein te Euangkerio. I butimwaea te wewete bukina bwa I namakinna bwa ana kaeka te Uea ni buokai n ataa koauan Ana Boki Moomon ao ni kaan riki nakon te Tia Kamaiu.

E matoatoa te reirei. Imwin Tabati tabeua, I ataia bwa N na aki rangi ni mwaatai ni karokoa I kakoaua Ana Boki Moomon.

Taian Karaki A kaotaki Te Mwakoroimwin te Mwakoro

I moana kamatebwaiakin Ana Boki Moomon ni katoa wiiki ao ni waetata ni kunea te kukurei n au wareware inanon Ana Boki Moomon a kaotaki n taian tiabuta teuana imwin teuana ao a kaniai riki nakon Iesu Kristo.

I wareka bungiakin Kristo, are noria Nibwaai n te mii ni burabeti.

“Ao I noora naba te kawa ae Natareta; ao inanon te kawa ae Natareta ao I noora iai te kibono, ae e ranginraka mamaaiina ao mainainana …

“Aoe taku [te anera]nakoiu: Taraia, te kibono are ko a tia n nooria bon tinan Natin te Atua, n te maiu n rabwata” (1 Nibwaai 11:13, 18).

I wareka tebabaire ibukin te kukurei ao n reiakinna bwa te onimaki inanon Iesu Kristoe kakawaki ibukin kamaiuakira. E reirei Amureki.

“I ataia aeKristo e na roko ibuakoia natiia aomata, bwa e na katoka iaona aia bure aomata, aobwa e na kamaiu ibukin buren te aonaaba; bwa e a tia n taekinna te Uea ae te Atua.

“… Bwan aron ana babaire ae kakannato ni kamaiu te Atua ae akea tokina e na riai n iai te mwakuri ni Kamaiu, bwa ngkana akea ao aomata nako a na bane ni mate (Aramwa 34:8–9).

I wareka rongorongon ana mwakuri Iesu Kristo nakoia Ana tiibutabemwaang i Amerika ngkoa, ao I ataia bwa bon Atuaia botanaomat nako. E tuangiia taian Niibwaite: “Bon ngkami ake I taetae ibukimi ni kangai. Iai au tiibu tabemwaang ake tiaki kaain te nanai aio; ao N na kawaria naba, ao a na ongo bwanaau, ao e na tii teuana te nanai ao temanna te tia kawakin tiibu” (3 Nibwaai 15:21).

E reke au Koaua Teutana imwiin Teutana

Ngke I wareka Ana Boki Moomon, au onimaki inanon Iesu Kristo e kamatoaki ao au ataaibwai n Ana tamnei e rikirake (taraa Aramwa 32:28).

I kakoaua bwa Ana Boki Moomon bon kingin ara Ekaretia. Te Tamnei are Raoiroi e kaotia nakoiu bwa Iotebwa Timiti bon te burabeti ni koaua are kaoka Ana Ekaretia te Atua i aonaaba ao e raira Ana Boki Moomon man taian bwaatua koora. Ana Boki Moomon e kakoaua Iesu Kristo ao a mwakuri ni inanoi ma te Baibara. Atuaia ni kabane tiaki tii teuana.