Tararake

Iroun Unimwaane Adrián Ochoa

Man te Itingaun

Man “Tararake,” Riaona, Nobembwa 2013, 102.

“Ma kam na kamarurungi ngkami n tai nako, ao kam na tataro” (Ruka 21:36).

Ngke waniua au ririki ni maiu, Ngai ao ai tariu aika uoman ti kanakoaki nakon te taaun ae uakaan bwa ti na kaboi amwarake. Ngke I tabe n iangoa te atatai aei, I mimi bwa mwaitira onimakinara iroun tibu te unaine ao ai tinau ao ai tamau. Moaningabongin karawa e otamwaaka man itiaki ngkai ti mwananga iaon ara aoti aika teniman.

Inuukan te tabo ae kiriuteute, ti baireia bwa ti na ruo mai iaon ara aoti ao ni kinimabora. A bon rang n roko nanora n ara takakaro are ti aikoa tararake n noora te nang ae rootongitong are rabuna karawa. Man te tai are ti a nooria bwa e a kaoti te angibuaka, e bon aki reke ara tai n toka iaon ara aoti. E korakora bwakan te karau ma te aiti ni bwaka iaora ni kamwataereira ao te bwai ae ti kona ni karaoia ti anai nnera n tekateka aon taian aoti ao ni kamanoira iaan burangketi aika nnera n tekateka. Ngkanne a birinako ara aoti.

N akea ara aoti, ti mwaimwai, ao ni mariri, ti moana n nakonako ni kawaekoaira nakon te taaun ae uakaan. E a bon tairaa ngke tia kunea te mweenga ao ni karebwerebwe iaon te mataroa. Te utu ake a mena ikekei a kamwauira ao n oneira, a kamwarakeira n te bean burritos ae kangkang ao ngkanne a karekea ara tabo ni matu n te ruu ae barekareka timantina.

Ngai ma ai tariu ti utimwaaka n te ingabong iaan otantaai ao karawa ae koro tikiraoina. Te mwaane ae e a karebwerebwe n te mataroa ibukia teniman ataeinimwaane aika a bua. I bon aki kona ni mwaninga te bwai are ti nooria inanon kawaira n okira mweengara―te kurubu n aomata ake a tabe ni kakaeira ni kabanea te tairiki anne. Ake a mena imoaia ni kabane bon tibu te unaine ae tangiraki ao ai tamau ma ai tinau. A rabwatiira ao a tang, a kukurei bwa a kuneia aia ataei aika a bua.

Tamara are i Karawa ae tangira e ataia bwa ti mena ia. E ingainga ni kakantaninga okira nakon mweengara. Iai kanikinaa ibukin te angibuaka n te tamnei aika a katobibira. Ti na tararake ao ni katauraoira man kakorakorakin ara koaua ni katoa bong.

Kamatata n te tamnei iroun Shawna Tenney