Mathilde E Katauraoi ibukin te Bootaki n Ataeinaine
E rang ni kukurei Mathilde ngke e nang rin n te Bootaki n Ataeinaine rimwii, ma e aki koaua raoi bwa tera ae kantaningaia. Ngaia are e a taetae nakon tibuna te unaine. Tibuna te unaine bon Titita Bonnie Oscarson, te beretitenti ni kabuta n te Bootaki n Ataeinaine. E mwaiti ana taeka n reirei ae e na tibwauaia!
Titirakina tinam ke tibum te unaine ke temanna te aine man am uoote bwa tera are a uringnga ibukin te Botaki n Ataeinaine. Ko kona ni kakaei nako tabeua bwaai aika kaunga.
Ngkanne …
Ngke e mena Titita Oscarson n te Bootaki n Ataeinaine, e karekei ana baeti man kabwaninan ana tokanikai aika kakaokoro. E ituui nako aon te bwai n tauanibai ae onoti, n raonaki ma te uee are e tei ibukin te kakaonimaki.
… ao Ngkai
Te mwaenroroa aei (are kaota ana kanikina te Bootaki n Ataeinaine) e na kauringko n riki bwa te katoto ao ni katana te koaua ao te raoiroi.
Ko na bae ni karekei reeben man kabwaninan am taneiai iaon te Rikirake I bon Iroum ao am mwakuri.
Ngkanne ko na bae ni karekea te meetera man te Bootaki n Ataeinaine.
Niu Bikining
Mathilde e nakon te waaki ni kakukurei ae onoti ae aranaki bwa te Niu Bikining. A anganaki te reirei ae kaunga ao n reiakinaki taekan te Rikirake I Bon Iroum.
Mathilde e mwakuri naba iaon te Kanuanga n te Onimaki iroun te Atua ao ni kamatenanoa Taekan te Onimaki.
Te Ururing ae Onoti
Mathilde ao angiin ai tarina a mena n te Tienta ni Maungatabu n Eberi 6, 2013. Ma a aki ataia bwa bukin tera tibuia te unaine e kaoiia ni kabane bwa a na roko n te maungatabu ni kabuta. A mimi ao a kukurei ngke e kamatoaki bwa ngaia te beretitenti n aia bootaki Ataeinaine!
Ataeinaine
Rikirake I Bon Iroum
Te boota iroun amiloslava/iStock/Thinkstock