Karokoan te Moanrinan n te Mweenga
“Te Utu: Te Katanoata nakon te Aonaaba” E Roko mairoun te Atua ni Buoka Au Utu
Te tia karaki e maeka i Utah, USA.
Reiakina riki taekan ana boto n iango te Moanrinan n te namwakaina aio!
E mwaiti korakoraia ataei―korakoraia ni karaoa te bitaki inanon te utu! Utu ni kabane tiaki tii te arona, ma utu nako a kakawaki iroun te Tama are i Karawa. E tangira ara utu bwa e na korakora, ngaia are E anganira “Te Utu: Te Katanoata nakon te Aonaaba” bwa e na buokira. E ataia te Tama are i Karawa bwa ko kona ni buoka ni kakorakora am utu.
Ngkoe bon mwakoron te utu ae akea tokina are e kainnanoa am ibuobuoki.
Ko kona ni uota te kukurei, akoi, ao te tangira nakon am utu.
Ko kona ni kakauongo nakon temanna ma temanna, ni kaai ni mwakuri ao n takakaro, kabwarabure ao ni kaai n ibuobuoki.
Ko kona ni wareki koroboki aika tabu ma am utu.
Ko kona n riki bwa te katoto nakon am utu ngkai ko tataro ao ni kawakin tuua.
Kamatata n te tamnei iroun Dani Jones; tamnein te tiin iroun iStock/Thinkstock