Iango Ibukin Botakin te Utu n te Tairiki

Te bwai ae taekinaki aio kanoana bwai ao mwakuri ake a na kona ni kamanenaki ibukin te botaki n utu n te tairiki. Iai uoua iango aika imwina.

“Rongorongon te Utu”-I Tabe ni Karaoia,” iteraniba 58: Karaoa te mwakuri iaon te koro-rongorongo! Kaungaia kaain te utu bwa a na rekootini bwaai aika taekan maiuia—te ururing man ririki aika a nako ke te bwai teuana ae e riki nakoia n te bong anne. Buokiia am utu bwa a na ataia bwa a rawata kawai ni koroi rongorongo. A kona ni koroboki, n taibi, ke ni korea tamnein te bwai are a na karinna, ke a kona n rawei bwanaaia ni karakina te karaki ma te bwai n rawe bwanaa. Kaungaia am utu n reitanako aia rekooti inanon aia tieonoro n taainako.

“Reiakinii Riki Ake a Kawakinaki,” iteraniba 64: Iangoa te mwakuri ni katauraoi ibukin te mwakuri ni mitinare n ai aron are a karaoia kaain te uoote i Norway. Ko kona n reireiniia bwaai aika titebo ake a kakaraoia—n aron ae a na kanga ni moana aia maroroo iaon te euangkerio ke a na kanga ni katira te kabaraaki ae mainaina—ke ko kona ni katurua am taratara iaon rabakau riki tabeua ake ko taku bwa kaain am utu a na kona n reke buokaia iai inanon aia tabo ni mwakuri ni mitinare.

N Oin Am Taetae

Te Riaona ao tabeua bokin te Ekaretia a kona ni karekeaki n taetae aika bati man languages.lds.org.