Katauraoi imwaain ae Ko Tataro

Beretitenti Eyring e kauringiira bwa te tataro “bon te kawai aika uoua n reitaki imarenan te Atua ao Natina.” Anaan te tai ni katauraoi ibukin ara tataro e kona ni karekea te reitaki n te kawai aika uoua akanne. Ko kona ni kamanena am tienoro ni kabanea tabeua te miniti ni katauraoi n tataro ni katoabong. Ko kona ni karaoi rinan kakabwaia ake ko tangiri ni kaitaua te Tama are i Karawa ibukina, aomata ake a kainnanoa am tataro, ao titiraki ake ko na kainnanoi kaekaaia. Imwiina kaoa te Tamnei man anenean te kuna n taromauri ke warekan tabeua kibun booki aika tabu. Ngkana ko tataro, kakauongo raoi bwa e na kanga te Tamnei ae Raoiroi ni kairiko nakon te bwai ae ko na taekinna, ao kakauongo raoi nakon am namakin ao am iango (taraa D&C 8:2‒3). Iangoia n rawei am taneiai inanon am tienoro ao n rinanoi kaeka ake ko karekei. Ko kona naba ni kamanena te mwakuri ni kakukurei iaon iteraniba 95‒97 man Tataekina Au Euangkerio: Te Kairi nakon te Mwakuri ni Mitinare ni buokiko n rinanon am tataro ao n reireiniko ni kinaa te Tamnei ae Raoiroi.