Inaomata n Rinerine ke Aroaro n Rinerine?
Te wanawana nikamanenakin raoi inaomatara e tararuai ara rinerine ao ni karikirakei anuara n rinea ae e eti
Kamatata n te tamnei iroun Christina Smith; Kamatatan te tamnei iroun Bryan Beach
I bon ururinga ingaingannanou ngke I katauraoi ni kawara au bitiobi ibukin te mwakuri ni mitinare. I iangoia ngkana arona bwa I a tau. N aekan te burabeti ae Iotebwa, Timiti, I aki “kairua ni buure aika korakora ke buure aika a kakaiaki” (Rongorongon―Iotebwa Timiti 1:26), ma e nakonanou n aekakina.
E nako nanou bukina bwa akea te bae N na kona ni buokia bwa tiiiiangoan raoraou Danny (e tia ni bitaki arana). Inanon namwakaina aika bati Danny e aki toki n taekinna bwa e rangi ni kantaningaia bwa e na karaoa te mwakuri ni mitinare. Ma e bitaki anne imwiin kawaran te bitiobi.
Ibukina bwa Danny e a tia n rekereke ma te katei ae aki itiaki ma ataeinaine tabeman, e kaongoai rimwi bwa, e a tia ni katokia man te mwakurini mitinare ae bwanin taina. E aki kona ni inaomata n rinea te mwakuri ni mitinare
Danny, n ana taeka Beretitenti Boyd K. Packer, Te Beretitenti n Aia Koram Abotoro ake Tengaun ma Uoman, e a tia ni bwaka nakon ana kariri Taatan “n aki kamanena raoi [ana] inaomatana n rinerine.”1
Te Inaomata ae koaua, naekan Ibukin Kakorakoraia Kairake e reirei, e roko ngkana ti kamanena inaomatara n rinea te ongeaba. Buan te inaomata, n aron are reiakinna Danny, e roko man rineakin te aki ongeaba.
“Ngkai ko inaomata n rinea te kawai ae kokaraoia, ko aki inaomata n anaa mwiina. Bwa e raoiroi ke buakaka, kanoana a roko ni bon kanoan te rinerine are ko tia ni karaoia.”2
Taan tei Ngaira I Bon Ibukira
Bukina bwa e reiakiniira booki aika tabu bwa ti inaomata n rinerine,” “te inaomata ni mwakuri,” ao n inaomata ni karaoi bwaai n oin nanora” (2 Nibwaai 2:27; 10:23; D&C 58:27; Ereman 14:30), ti akitoki ni kamanena te taeka “inaomata n rinerine.”
Ma ko a tia n ataia bwa te mwakoro n taeka “inaomata n rinerine” e aki taekinaki ni booki aika tabu? N onea mwiina ao a reirei booki aika tabu “bwa aomata nako a na mwakuri inanon tuua ma te reirei… ni kaineti nakon inaomatan te katei are I a tia n anganna, bwa aomata nako a na bukinaki ibukin oin aia bure (D&C 101:78; e kairaki ma katuruturuana).
Unimwaane D. Todd Christfferson man te Kooram n Abotoro n te Tengaun ma Uoman e reirei. “Te taeka rinerine e oti [inanon booki aika tabu] n tii ngaia ke te tia bitii katei… Ngkana ti kamanena te taeka aroaro n rinerine, ti katuruturua raoi te kibuntaeka ae bon ngaia te mwakoro ni bwaintangira ae mimitong n rinerine. Ngaira aomatan rabwata ao taan tei i bon ibukira, ni inaomata n rinerine ma ti na bukintaeka imwin ara rinerine.”3
E kauataoa Beretitenti Packer, “te Inaomata e kabwaranakoaki inanon booki aika tabu bwa ‘aroaron rinerine’ are nanona bwa ti kona n rinerine imarenan te raoiroi ao te buakaka.”4 Te bwai n tangira ae anga te Atua nanona ti “inaomata n rinea te inaomata ao te maiu are akea tokina, rinanon te Tia Raoi irouia aomata, ke n rinea te kabureaki ao te mate, ni kaineti nakon te kabureaki ao mwakan te te riaboro: (2 Nibwaai 2:27).
Ana Buaka Taatan ni kaitara te Inaomata
Bukina bwa te aroaro n inaomata e kamanena te mwakoro ae moan te bongana n tamnein te Kamaiu, Tatan eukoukorauruakana n te aonaaba n te maiu are imwaain aei. E tewenakoaki ibukin ana kaitara ao ngkai e ukoukora “mwamwanakiia ao ni kamatakiia aomata, ao ni kairia nakon te tautoronaki” (Moses 4:3‒4).
E tangirira Taatan bwa ti na karaoi rinerine ake e na korotiai inaomatara, ni kairira nakon katei aika bubuaka ao ni kairarang, ao ni katikuira n akea korakorara n totokoi ana kariri. Tamaroante euangkerio bwa e karikira n atai ara rinerine ao mwin taian rinerine akanne. Te wanawana ni kamanena te inaomata n rinerine e kateimatoai ara rinerine ao ni karikirakei ara konabwai n rinea ae eti.
Ana Katoto te Tia Kamaiu
Ngke e kaotaki te babaire ni kamaiu n te Bowi ae Kakannato i Karawa, E kaotia nakoira te Tia Kamaiu bwa ti na kanga ni kamanena aron ara rinerine n te aro ae eti. E taku Iesu bwa e na karaoaki are nanon te Tama ao ana bwai te Tama te mimitong n aki totoki” (Moses 4:2). Ibukina bwa E motinanoia ni karaoa nanon te Tama ao imwina n te nne n Aroka are Ketetemwane ao iaon te kaibangaki (taraa Mataio 26:39; Ruka 22:42), E a tia Iesu ni kabooi ara rinerine aika buakaka ao ni katauraoa te kawai ibukira ni kabwaraki ara bure rinanon te raira n nano.
Ngkana ti rimwiin ana Katoto te Tia Kamaiu, n onea mwiin ae kangai “I karaoa ae I tangiria,” ti na kaotia, “I karaoa ae tangiria te Tama.”5 Kamanenaan ara katei n rinerine te kawai aei e na uotira nakon te inaomata ao te kukurei.
Ngke I nako ni kawara au bitiobi ibukin au moan maroro ibukin te mwakuri ni mitinare. I rang kukurei bwa I a tia ni karaoi rinerine aika tamaroa. Tabeua namwakaina imwiina I mwakuri ibukin te Uea i Guatemala―n reireinia tabeman te babaire ni kamaiu ao ana mwakuri ae kakawaki te katei n rinerine i nanon te tamnei.