Fotoan’ny soratra masina

I Petera sy Kornelio ary ilay Anjely

Nosoratan’i Erin Sanderson

Monina any Utah Etazonia ny mpanoratra.

Miaraha mianatra momba ny Testamenta Vaovao amin’ity taona ity!

Taorian’ny nitsanganan’i Jesoa tamin’ny maty sy niverenany tany an-danitra dia nitory tany amin’ny toerana maro i Petera sy ireo Apôstôly hafa, saingy tamin’ny Jiosy irery ihany.

Manamboninahitra tao amin’ny tafika romanina i Kornelio. Nino an’Andriamanitra izy, saingy tsy Jiosy izy. Nisy anjely niseho taminy ary nilaza taminy mba hampaka an’i Petera. Nandefa ny olony hitady an’i Petera i Kornelio ary nilaza tamin’i Petera ny Fanahy Masina mba hanaraka azy ireo.

Rehefa tonga tao amin’ny tranon’i Kornelio i Petera dia nampianatra ireo olona marobe izay tafavory tao. Nolazainy tamin’izy ireo ny momba ny filazantsaran’i Jesoa Kristy ary nahatsapa ny Fanahy Masina izy ireo ka nahafantatra fa marina izany. Rehefa hitan’ny naman’i Petera fa nampianatra olona izay tsy Jiosy izy dia taitra izy ireo. Saingy niteny taminy i Petera fa efa nianatra fa ny filazantsaran’i Jesoa Kristy dia ho an’ny olona rehetra. (Jereo ny Asan’ny Apôstôly 10:1–48; 11:1–18.)

Resaky ny mpianakavy

Vakio ny Matio 28:19–20. Miresaha mikasika ny fomba ahafahantsika mizara ny filazantsara amin’ny olona rehetra. Eritrereto ireo fanontaniana izay mety hananan’ireo namanao na ny mpiara-monina aminao mikasika ny filazantsara. Azonao atao tantara an-tsehatra kely miaraka amin’ny fianakavianao ny fametrahana sy famaliana ireo fanontaniana.

Hira: Misafidiana hira momba ny asa fitoriana, toy ny “Proclamons la Verité” (Recueil de Chants pour les enfants, 92).

Soratra masina: Matio 28:19–20

Horonantsary: Midira ao amin’ny Biblevideos.org mba hijery ny “Peter’s Revelation to Take the Gospel to the Gentiles.”

Torohevitra amin’ny fandalinana ny soratra masina

Afaka mahatakatra bebe kokoa ny soratra masina isika rehefa mizara ny zavatra izay ianarantsika. Mamakia andinin-tsoratra masina iray miaraka amin’ny fianakavianao ary miresaha momba ny dikan’ireo teny na andian-teny sarotra sy ny dikan’ilay soratra masina aminao ary ny fomba hampiharana izany eo amin’ny fiainanao.

Hianatra misimisy kokoa

Talohan’ny niantsoana an’i Petera ho mpianatra dia mpanjono fantatra tamin’ny anarana hoe Simona izy. Nomen’i Jesoa ny anarana hoe Petera izy izay midika hoe “vato” na “vatolampy.” Rehefa niala teto an-tany i Jesoa dia i Petera no lehiben’ny Apôstôly sy nitarika ny Fiangonana. Nihazona ireo fanalahidy, na ny fahefana, na ny fisoronana izy.

Mivonòna hizara!

Fomba iray hahafahana ho tonga misiônera tsara ny miezaka mba hitovy bebe kokoa amin’i Jesoa. Hetezo ireo karatra ary fenoy toetra iray izay tianao hampiharina. Mety te hiezaka ny ho “Elder Tsara Fanahy” na “Soeur Mankasitraka” angamba ianao. Apetraho amin’ny toerana izay mety hampahatsiahy anao ny tanjonao ny karatrao.

Elder

Elder

Soeur

Soeur

Ankavia: sary nataon’i Craig Stapley; ankavanana: sombiny avy tamin’ny Sarin’i Kristy, nataon’i Heinrich Hofmann, nahazoana lalana avy tamin’ny C. Harrison Conroy Co.