Faahororaa no te mau aamu o te amuiraa

Teie te tapura no te mau aamu tei faati’ahia i roto i te mau a’oraa o te amuiraa rahi, e nehenehe te reira e faa’ohipahia i roto i ta outou iho tuatapaparaa, te pureraa pô utuafare e te tahi atu mau haapiiraa. E faaiteraa te numera no te api matamua o te a’oraa

Taata a’o	Aamu
Neil L. Andersen	(65) I muri mai i te poheraa to ratou metua vahine e a farii ai te tamaroa matahiapo i ta’na piiraa ia tavini i te hoê misioni rave tamau, ua haamaitaihia teie taure’are’a e to’na na taea’e e tuahine i te pae faufaa. Na roto i te faaroo ia Iesu Mesia, ua itehia i na taea’e toopiti te puai no te haere i mua i muri a’e i te poheraa to raua na metua e to raua e piti teina i roto i te hoê ati manureva.
Koichi Aoyagi	(126) I roto i ta raua aparauraa e te hoê taata faatere o te Ekalesia, ua roaa ia Koichi Aoyagi te maramarama rahi a’e na roto i te Varua Maitai no ni’a i te ati ei tuhaa no te faanahoraa o te faaoraraa.
David A. Bednar	(128) Ua haapii mai o David A. Bednar na roto ia Elder Robert D. Hales e, eita ana’e ta outou e nehenehe e rave faahou i te mea ta outou i rave noa na, e rave ïa outou i te mea faufaa a’e.
Randall K. Bennett	(69) Ua faauruhia e piti taata Rusia, e feia mo’a i te mau mahana hopea nei, ia faaite i te evanelia ia vetahi ê e i te hopea ua faaipoipo raua i roto i te hiero.
Kim B. Clark	(124) Na roto i te faaitoitoraahia e te reo o te Varua, ua farii na metua o Kim B. Clark i te hoê piiraa misioni i te fenua Firipino.
Quentin L. Cook	(39) I te tau a riro ai oia ei taure’are’a misionare, ua haapii mai o Quentin L. Cook e aha te auraaa o te parau « tarai maitai e mai te au i Bristol ». Ua amui atu o Quentin L. Cook i roto i te hoê Sabati Ati Iuda.
Henry B. Eyring	(80) Ua haamauruuru te hoê tuahine paari i te hoê diakono tei opere i ta’na oro’a mo’a. Na roto i te tautooraa a te hoê peresideni pupu peresibutero, ua faahuru ê te Atua i te aau o e rave rahi taea’e paruparu tei tano ei peresibutero. Ua oaoa te metua tupuna o Henry B. Eyring i te mea e, ua ara noa te Atua i ni’a ia’na e ua faauru ia’na i roto i te roaraa o te hoê misioni fifi mau. (104) Ua arata’i te Varua Maitai i te metua tane o Henry B. Eyring i te hoê pureraa oro’a i Auteraria. I muri a’e te poheraa ta’na vahine, ua tamahanahanahia te metua tane o Henry B. Eyring e te Varua Maitai.
Bradley D. Foster	(50) Ua tauturu o Anne Sullivan ia Helen Keller te hoê mata ru’i e te tari’a turi, ia haapii i te tai’o. Ua farii o Bradley D. Foster i te hoê mana’o rû ia tauturu i ta’na mau tamarii e te mau mootua ia taa maitai i te mau parau mau o te evanelia i muri a’e i to’na uiuiraa i te hoê taea’e ti’amâ e tano ei misionare.
Allen D. Haynie	(121) I muri a’e i to’na ha’utiraa i roto i te vari i te tau a vai tamarii ai oia, aita o Allen D. Haynie i faati’ahia ia tomo i roto i te fare, e tae roa i te taime ua pîpîhia oia e to’na mama ruau i te tuio pape no te tamâ ia’na.
Jeffrey R. Holland	(47) Ua mata’u te hoê melo paruparu o te Ekalesia, e o te pohe ra, ia ti’a i mua i to’na metua vahine i roto i te oraraa a muri a’e. Ua tauturu te hoê metua vahine itoito i ta’na tamaiti ia ho’i mai i te Ekalesia. Ua tauturu o Lisa Tuttle Pieper i ta’na tamahine ia amui atu i roto i te tuôraa Hosanna.
Von G. Keetch	(115) E mau taata faahee horue tei riri no te hoê aua tei patuhia i roto i te hoê o’o’a no Auteraria, ua haapii râ ratou e, te paruru nei teie aua ia ratou i te mau ma’o.
Larry R. Lawrence	(33) Ua horo’a mai o Larry R. Lawrence e rave rahi mau hi’oraa e nahea te Varua Maitai i te horo’a mai i « te a’o tano » no te tauturu i te mau taata ia haamaitai atu â.
Neill F. Marriott	(30) I muri a’e to’na pureraa e to’na imiraa i te Atua 10 matahiti te maoro, ua itehia mai ia Neill F. Marriott te Ekalesia e ua farii i te reira. Ua faaohipa te utuafare o te tuahine Marriott i te faaroo e, e riro ratou i te ora a muri noa’tu e ta ratou tamahine tei pohe i roto i te hoê ati na ni’a i te pereoo taataahi.
James B. Martino	(58) Ua faaoti o James B. Martino e bapetizo ia’na i muri a’e i te tuapapa-mau-raa e te pure-mau-raa no ni’a i te Buka a Moromona.
Richard J. Maynes	(27) Ua haapii o Elder Taiichi Aoba i te feia apî ia tuu i ta ratou araea i ropu i te huira hamani faarii araea. Ua iteahia ia Nancy Maynes te oaoa mau na roto i te iteraa e te oraraa i te evanelia a Iesu Mesia.
Carol F. McConkie	(12) Ua parau te hoê tuahine e 102 matahiti e, ua farii oia i te feti’a a te feia apî tamahine na roto i te tatarahaparaa i te mau mahana atoa.
Thomas S. Monson	(83) I muri a’e to raua tatarahaparaa e to raua ho’iraa mai i te Ekalesia, ua itehia i te hoê vahine e to’na hoa faaipoipo i te hau e te ti’aturiraa i roto i te evanelia a Iesu Mesia. (86) Ua ui mai te hoê ti’a Iseraela e, e nahea pai ratou i te maramarama i roto i te mata o te feia mo’a i te mau mahana hopea nei e haere mai i te pû BYU i Ierusalema.
Hugo Montoya	(53) Ua hopoi mai te mata ata o te peresideni Russell M. Nelson i te hau ia Hugo Montoya i muri a’e i to’na piiraahia ei Hitu Ahuru.
Russell M. Nelson	(95) Ei taote tapu mafatu apî tei tarapape te aau, ua ho’i o Russell M. Nelson i te ohipa maoti te hi’oraa, te here e te faaitoitoraa a ta’na vahine. Ua faataui te parau faauru a te hoê peresideni Paraimere o te titi i te avei’a a te apooraa titi.
Dale G. Renlund	(93) I muri a’e i to Dale G. Renlund piiraahia ei episekopo, ua parau to’na tuaana ia’na e, ua pii te Atua ia’na no te rave i te mea tei titauhia Ia’na ia rave na roto ia’na. Ua tamahanahana na metua o te hoê taure’are’a tei pohe i te ma’i mafatu ia Dale G. Renlund.
Gregory A. Schwitzer	(98) Ua tauturu o Gregory A. Schwitzer i ta’na mootua tamaroa ia ite hohonu i te ta’i e te parau poro’i no te himene ta’na e faata’i ra i ni’a te piana.
Vern P. Stanfill	(55) Na roto i te ti’aturiraa i ni’a i te maramarama amui o te pupu taata taahi pereoo taataahi e ratere amui ra na ni’a i tera e’a pouri na raro a’e i te mou’a, ua ore te ahoaho o Vern P. Stanfill.
Carole M. Stephens	(118) Ua faaohipa o Carole M. Stephens i te here no te titau i ta’na mootua tamahine ia faaea noa i roto i to’na parahiraa pereoo.
Gary E. Stevenson	(91) I muri a’e i to’na piiraahia ei aposetolo, ua itehia mai ia Gary E. Stevenson e o Lesa ta’na vahine ta raua tutau, oia ho’i te faaroo ia Iesu Mesia e te iteraa no te faanahoraa o te faaoraraa.
Dieter F. Uchtdorf	(15) Ua haapii mai te hoê tamahine 11 matahiti na roto mai i to’na tupuna vahine fetii e, o te hereraa i te Atua e i ta’na mau tamarii te taviri no te oaoa. (20) Ua vai ara noa te hoê orometua no te Sotaiete Tauturu i te maororaa pô no te hamani i te hoê tifaifai ei faaneheneheraa i te hoê haapiiraa no ni’a i te faaohieraa. (76) Ua maere o Dieter F. Uchtdorf e ua oto ho’i i te faarooraa e, ua faaatea te hoê tamaroa no te Autahu’araa a Aarona ia’na i te Atua.
Rosemary M. Wixom	(6) Ua pahono te Metua i te Ao ra i te pure a te hoê tamahine tei ite mai e, ua here Oia ia’na. Ua haape’ape’a te hoê taata pohe po’ia no Etiopia no te maitai o te hoê aiû otare.