Te mau parau rahi no roto mai i te 185raa o te amuiraa rahi no atopa a Te Ekalesia a Iesu Mesia i te Feia Mo‘a i te Mau Mahana Hopea Nei

« E tamaiti e e tamahine outou na to tatou Metua i te Ao ra », te parau ïa a te peresideni Thomas S. Monson i roto i te tuhaa pureraa no te poʻipoʻi sabati o te amuiraa rahi. « Mai mua mai i To’na aro outou i te haereraa mai i ni’a i te fenua nei no te hoê tau, no te anaana i te here e te mau haapiiraa a te Faaora e no te faaanaana ma te mata’u ore i to outou maramarama ia ite mai te taato’araa. Ia hope te reira tau i ni’a i te fenua nei, mai te peu ua rave outou i ta outou tuhaa, tei ia outou ïa te haamaitairaa hanahana ia ho’i Ia’na ra no te ora e a muri noa’tu » (api 88).

Ua faahitihia i roto i teie amuiraa rahi te faaru’eraa mai o te peresideni Boyd K. Packer na reira atoa Elder L. Tom Perry e Elder Richard G. Scott no te Pupu no te Tino Ahuru ma Piti Aposetolo. Ua paturu te mau melo o te Ekalesia e toru melo apî no te pupu. Elders Ronald A. Rasband, Gary E. Stevenson e Dale G. Renlund.

Te tahi atu mau parau rahi :

• Ua reni maitai te mau a’oraa a Elder M. Russell Ballard, Elder David A. Bednar e Elder D. Todd Christofferson, no te Pupu no te Tino Ahuru ma Piti Aposetolo, no te aha te Fatu i haamau ai i Ta’na Ekalesia, e te mau peropheta e te mau aposetolo ei niu no te reira, no te raveraa i Ta’na ohipa e no te faataeraa i te mana ia tatou no te ho’i Ia’na ra (hi’o te mau apî 24, 128, e 108).

• Ua faataa mai na a’oraa a te peresideni Russell M. Nelson e a Elder Jeffrey R. Holland no te Pupu no te Tino Ahuru ma Piti Aposetolo, i te ti’araa faufaa tumu roa o te mau vahine. Ua parau te peresideni Nelson e : « E ere e eita te basileia o te Atua e hope ti’a roa ia ore te mau vahine o te rave i te mau fafauraa mo’a, e o te haapa’o i te reira, e mau vahine o te nehenehe e paraparau ma te puai e te mana o te Atua ! » (api 96).

• Ua haapapû faahou mai Elder Dallin H. Oaks no te Pupu no te Tino Ahuru ma Piti Aposetolo e, « Ua ora e ua mamae te Faaora i te îraa o te mau tamataraa tahuti atoa… E na roto i te reira, ua horo’a To’na Taraehara i te mana i roto Ia’na no te faaora ia tatou—no te horo’a mai i te puai i roto ia tatou no te amo i te taato’ araa o te reira » (te mau api 61-62).