Naʻe Loto-toʻa ʻa e ʻEikitau ko Molonaí

Naʻe taki ʻe he ʻEikitau ko Molonaí ʻa e kau tau Nīfaí. Naʻá ne saiʻia ke talangofua ki he Tamai Hēvaní. Naʻá ne tokoniʻi e kau tau Nīfaí ke maluʻi kinautolu mei he kau Leimaná. Naʻá ne fakamanatu kiate kinautolu ʻa e ngaahi tāpuaki ʻa e Tamai Hēvaní. Naʻá ne fakamanatu kiate kinautolu ʻa ʻenau tauʻatāina mo honau fāmilí kae lava ke nau loto-toʻá.

ʻOku tokolahi ʻa e fānau ʻi he akó ʻoku nau fakaʻaongaʻi e ngaahi lea ʻoku ou ongoʻi taʻefiemālie ai. Ne u lotua mo ʻeku faʻeé ʻo kole ha loto-toʻa ke ʻiloʻi ʻa e meʻa lelei taha ke faí. ʻI he ʻaho hono hokó ʻi heʻenau kamata ngāue ʻaki e lea ko iá, naʻá ku lea fakalelei ange, “Fakamolemole, tuku muʻa hono ngāue ʻaki e ngaahi lea ko iá. ʻOku ou ongoʻi taʻefiemālie ai.” Naʻa nau pehē mai, “Sai ia, kātaki fakamolemole.” Naʻá ku ongoʻi fiefia, pea naʻá ku fiefia ʻi heʻeku ʻiloʻi ʻe tokoniʻi au ʻe he Tamai Hēvaní ʻi he taimi te u kole ai ha tokoní.

Bella T., taʻu 10, Veisinia, USA

Grant L., taʻu 10, Fololita, USA