Ngaahi Talanoa ʻo e Tohi ʻa Molomoná

Fuka ʻa e ʻEikitau ko Molonaí

Naʻe ʻi ai ha tuʻi angakovi. Naʻá ne fie pule ʻi he kakai Nīfaí.

Ko Molonai ʻa e ʻeikitau ʻo e kau tau Nīfaí. Naʻá ne mālohi, pea naʻá ne ʻofa ki he ʻOtuá.

Naʻe loto ʻa e ʻEikitau ko Molonaí ke maluʻi ʻa hono kakaí mei he kau tau ʻa e tuʻi angakoví.

Naʻá ne fakakaukau ke faʻu ha fuka maʻa hono kakaí.

Naʻe fakamanatu ʻe he fuka ʻa e ʻEikitau ko Molonaí ki hono kakaí ʻoku totonu ke nau muimui ki he ʻOtuá pea maluʻi ʻa honau fāmilí. Pea te nau maʻu leva ʻa e nongá.