Tuʻunga Fakaākonga Moʻoní

ʻOku faʻa lea ha kau lea tokolahi ʻi he kaveinga tatau pē ʻo e ongoongoleleí. Ko e lea ʻeni naʻe fai ʻe ha toko tolu fekauʻaki mo e hoko ko ha ākonga moʻoni ʻo Kalaisí. Fakaʻaongaʻi e makasini ʻo Mē 2017 pe vakai ki he conference.lds.org ke laukonga lahi ange ai ʻi heʻenau leá.

“ʻOku loto fiemālie e kau ākonga moʻoni ʻa Sīsū Kalaisí ke hā mahino, lea, pea mo makehe mei he kakai ʻo e māmaní. ʻOku nau taʻeilifia, līʻoa, pea mo lototoʻa.” —Russell M. Nelson, “Ko Hono Tohoakiʻi mai e Mālohi ʻo Sīsū Kalaisí ki Heʻetau Moʻuí,” 39.
“[Ko e] tuʻunga fakaākonga moʻoní, ko e tuʻunga ʻo ha moʻui. … ʻOku moʻui e kau ākongá ke lava ʻo huluni ʻa e ngaahi ʻulungaanga ʻo Kalaisí ʻi heʻenau moʻuí, ʻo hangē ha kupesi fakalaumālié.” —Robert D. Hales, “Ko e Hoko ko ha Ākonga Hotau ʻEiki ko Sīsū Kalaisí,” 46.
“ʻOku ʻikai ngata ʻetau ʻofa he Sāpaté he taimi ʻoku tāpuni ai e falelotú, ka ʻoku fakaava hake ai e matapaá ki ha ʻaho fakaʻofoʻofa ʻo e mālōlō mei he ngāue fakaʻahó, akó, lotú kae tokoni ki hotau fāmilí mo e niʻihi kehe ʻoku nau fie maʻu ʻetau tokangá.” —Neil L. Andersen, “Ko Hono Ikunaʻi ʻo e Māmaní,” 58.