Ko Hoʻo Fakamoʻoní mo e Tohi ʻa Molomoná
Ko ha ngaahi talanoa ʻe tolu mei he toʻu tupú fekauʻaki mo e founga kuo liliu ai ʻe he Tohi ʻa Molomoná ʻenau moʻuí.
Naʻe pehē ʻe Siosefa Sāmita fekauʻaki mo e Tohi ʻa Molomoná “ko e Tohi ʻa Molomoná ko e tohi totonu taha ia ʻi he ngaahi tohi kotoa pē ʻi he māmaní, pea ko e maka-tuʻu-loto ia ʻo ʻetau tui fakalotú, pea ʻe ofi ange ha tangata ki he ʻOtuá ʻi haʻane tauhi ki hono ngaahi akonakí, ʻi ha toe tohi kehe” (talateu ki he Tohi ʻa Molomoná). Ko e Tohi ʻa Molomoná ko ha fakamoʻoni mālohi ia ʻo Sīsū Kalaisi mo ʻEne ongoongolelei kuo toe fakafoki maí. ʻOku hoko ʻete ʻilo ʻoku moʻoní ko ha meʻa ia ke liliu ai e meʻa kotoa.
Naʻe ului e niʻihi ne nau tohi e ngaahi fakamoʻoni ko ʻení kia Sīsū Kalaisi mo ʻEne ongoongoleleí koeʻuhí ko ʻenau ngaahi aʻusia ʻi heʻenau lau mo lotu fekauʻaki mo e Tohi ʻa Molomoná. ʻE lava foki ʻe hono lau fakamātoato mo lotu fekauʻaki mo e Tohi ʻa Molomoná ke liliu foki hoʻo moʻuí.