Ko ha tā valivali ʻo Kalaisi
Ko e pō Sāpate kotoa pē ʻoku ou tangutu fakataha ai mo ʻeku tamaí ʻo ngāueʻi ʻeku ngaahi taumuʻa ʻi heʻeku kiʻi tohi Tui ki he ʻOtuá. Ko e taha ʻo e ngaahi taumuʻa ne u fie maʻu ke fakakakato ʻi hono fakatupulaki ʻo e ngaahi talenití ko e tā valivali ha fakatātā ʻo Kalaisi.
Hili ʻeku fokotuʻu ʻa e taumuʻá, ne fakaafeʻi au ʻe haʻaku kaungāmeʻa mei he akó ki heʻene ʻuluaki sākalametá [communion]. Ko e ʻuluaki sākalametá ko ha meʻa mahuʻinga ʻaupito ia ʻi he Siasi Katoliká. Ko e fuofua taimi ia ʻoku lava ai ʻe ha taha ke maʻu ʻa e sākalamēnití. Ne teuteu lahi hoku kaungāmeʻá ki heʻene fuofua sākalametá, pea ne u ʻiloʻi ne fuʻu mahuʻinga ʻaupito ia kiate ia.
Naʻá ku fakakaukau ke tā e fakatātā ʻo Kalaisí ke foaki ki ai ko ha meʻaʻofa. Naʻá ku ngāue mālohi ʻi heʻeku tā valivalí. Hili ʻene ʻosí, naʻá ku fakatau mai ha ʻesiaʻi tā ke faʻo ai pea ʻoange ki hoku kaungāmeʻá. Naʻá ne houngaʻia lahi ai. Naʻá ku ongoʻi lelei ʻi hoku lotó ke u foaki ange ia maʻana pea ke u kau atu ki hono ʻaho mahuʻingá.