Fakamālō ki he ʻOtuá, ʻi Heʻene Fakanofo ha Palōfita

Kuo tākiekina fēfē nai koe ʻe hotau palōfitá, Palesiteni Tōmasi S. Monisoní? Ko e hā te ke manatuʻi lahi taha fekauʻaki mo iá? Fakakaukau ke hiki ʻi hoʻo tohinoá fekauʻaki mo Palesiteni Monisoni mo ʻene moʻuí—ʻo hangē ko ʻene fakamatalaʻi ʻi heʻene pōpoaki ko ʻení kau ki he ivi tākiekina ʻo e palōfita takitaha ʻokú ne manatuʻí.

Te ke ala fie maʻu foki ke fili haʻane kupuʻi lea ʻokú ke saiʻia taha aí pea tohi ʻi ha feituʻu te ke lava ʻo toutou sio ai ki aí, ʻo hangē ko ha takafi ʻo ha tohi pe ʻi ha kiʻi laʻi pepa ʻi ho lokí. Te ke lava foki ke faʻu ha ʻata ʻo e konga leá pea ʻai ʻi hoʻo telefoní! ʻI he taimi kotoa pē te ke sio ai ki he konga leá, te ke lava ʻo fakakaukau ki he mahuʻinga ʻo e ʻi ai ʻo ha palōfita moʻuí mo manatuʻi ʻokú ne ʻi heni ke ʻofa mo tataki kitautolu ʻi he ʻahó ni.