Mga importanting panghitabo sa Ika-189 nga Semiannual nga Kinatibuk-ang Komperensya

Mga lider sa Simbahan nga namulong atol sa kinatibuk-ang komperensya mibalik-balik sa pagtanyag og imbitasyon nga mahimong—nga mahimong mas malipayon, nga mahimong mas balaan, nga mahimong mas mahisama sa Manluluwas, ug sa pagtabang sa uban sa pagbuhat sa ingon.

Unsa ang dugang pa, sila mihimo niana nga kausaban nga ingon og makab-ot ra matag usa kanato.

“Ang Ginoo gusto nga ang Iyang mga anak nga moambit sa mahangturong mga panalangin nga anaa sa Iyang templo,” mitudlo si Presidente Russell M. Nelson. “… Indibidwal nga katakus aron makasulod sa balay sa Ginoo nagkinahanglan og dakong indibidwal nga espirituhanong pagpangandam. Apan uban sa tabang sa Ginoo, walay imposible.”

Pagkaplag og Kalipay ug Pagkabalaan

Si Presidente Nelson midapit sa matag usa kanato nga mahimong takus alang sa mga panalangin sa templo (tan-awa sa pahina 120).

Si Presidente Henry B. Eyring mipasabut sa koneksyon tali sa nagkadako nga pagkabalaan ug sa nagkadako nga kalipay (tan-awa sa pahina 100).

Si Elder D. Todd Christofferson mitudlo kanato unsaon sa pagpangita sa “hingpit nga kalipay sa mga santos” (tan-awa sa pahina 15).

Usa ka Pagdapit sa Paghigugma ug Pagpakigbahin

Si Presidente Nelson mitudlo sa kaimportante sa paghigugma sa atong silingan ug midetalye sa dakong tawhanon nga buhat sa Simbahan (tan-awa sa pahina 96).

Si Elder Dieter F. Uchtdorf mipasabut sa gahum sa pagdapit sa uban nga “moduol ug motan-aw” (tan-awa sa pahina 86).

Gihulagway ni Sister Cristina B. Franco ang hingpit nga kalipay sa pagpakigbahin sa ebanghelyo (tan-awa sa pahina 83).

Paglig-on sa Kabatan-onan

Ang propeta mipaila og mga kausaban sa mga organisasyon sa kabatan-onan nga makaawhag sa kabatan-onan sa kapangulohan sa korum ug klase sa pagbarug ug pagpangulo (tan-awa sa pahina 38).

Si Elder Quentin L. Cook mipresentar kon sa unsang paagi ang mga lider sa Aaronic nga Pagkapari molihok (tan-awa sa pahina 40).

Si Sister Bonnie H. Cordon mipakigbahin sa mga kausaban sa organisasyon sa Young Women (tan-awa sa pahina 67).

Pagtukod og mga Templo; Naglig-on Kanato

Si Presidente Nelson mipahibalo sa walo ka bag-ong mga templo atol sa sesyon sa mga babaye (tan-awa sa pahina 120).

Sa Dominggo sa hapon, siya mitudlo mahitungod sa pagkahimong takus sa pagsulod sa templo ug mipaila sa giusab nga mga pangutana sa rekommend sa templo (tan-awa sa pahina 120).