Gi-update nga mga Pangutana sa Rekomend ug Ubang Mga Balita sa Templo

Mga update sa mga pangutana sa interbyu para sa rekomend sa templo gipresentar ni Presidente Russell M. Nelson atol sa Oktubre 2019 nga kinatibuk-ang komperensya (tan-awa sa pahina 121). Ang mga sumbanan sa templo nagpabilin nga pareha, apan ang pipila sa mga pangutana giusab ang pagpulong aron mahimong mas maklaro. Ang angay nga mga lider sa Simbahan kinahanglan nakadawat na og sulat sa Unang Kapangulohan nga gipetsahan og Oktubre 6, 2019, nga naglakip sa gi-update nga mga pangutana.

Si Presidente Nelson mipahibalo usab sa mga plano alang sa walo ka bag-ong mga templo (tan-awa sa pahina 79). Ang bag-ong mga templo anha sa Freetown, Sierra Leone; Port Moresby, Papua New Guinea; Bentonville, Arkansas, USA; Bacolod, Philippines; McAllen, Texas, USA; Cobán, Guatemala; ug Orem ug Taylorsville, Utah, USA.

Sukad sa kinatibuk-ang komperensya sa Abril 2019, mga templo gipangpahinungod sa Kinshasha, Democratic Republic sa Congo; Lisbon, Portugal; Port-au-Prince, Haiti; ug sa Fortaleza, Brazil; ug gipahinungod og usab ang Oakland, California, USA; Memphis, Tennessee, USA; Frankfurt, Germany Siyudad sa Oklahoma, Oklahoma, USA; ug Raleigh, North Carolina, USA.

Adunay ground breaking alang sa mga templo sa Yigo, Guam; Praia, Cabo Verde; San Juan, Puerto Rico; Lima, Peru (Los Olivos); ug Belém, Brazil, ug mga dapit gipili alang sa mga templo sa Auckland, New Zealand, ug Layton ug Saratoga Springs, Utah, USA.

Mga plano gipahibalo sa publiko alang sa pagpaayo sa Templo sa Salt Lake, nga mosira sa Disyembre ug ablihan pag-usab sa 2024, ug ang Templo sa St. George Utah, nga mosira sa Nobyembre 2019 ug ablihan pag-usab sa 2022.