Upat ka mga Paagi sa Pagpangandam alang sa Abril 2020

Ang tuig 2020 motimaan sa ika-200 nga anibersaryo sa Unang Panan-awon, nga nahitabo sa tingpamulak sa 1820. Tungod niana, si Presidente Russell M. Nelson mipahibalo nga ang umaabut nga komperensya sa Abril “magsaulog sa mga pundasyon mismo sa gipahiuli nga ebanghelyo” (tan-awa sa pahina 122).

Giawhag niya ang matag miyembro ug pamilya sa pagpangandam alang niini nga “talagsaon nga komperensya” ug misugyot og posible nga mga paagi sa pagbuhat sa ingon:

1. Basaha pag-usab ang istorya ni Joseph Smith sa Unang Panan-awon.

2. Samtang magtuon kamo sa Dali, Sunod Kanako sa 2020, pamalandungi ang mga pangutana mahitungod sa kahibalo nga naangkon ug sa mga panalangin nga nadawat tungod sa Basahon ni Mormon.

3. Ikonsiderar ang paggamit sa bag-o nga mga video sa Basahon ni Mormon sa indibidwal ug pamilya nga pagtuon.

4. Pagpili og inyong kaugalingong mga pangutana ug pagdesinyo og inyong kaugalingong plano aron “isubsob ang inyong kaugalingon diha sa mahimayaong kahayag sa Pagpahiuli.”

“Kon inyong buhaton,” miingon si Presidente Nelson, ang “kinatibuk-ang komperensya sunod Abril dili lang kay halandumon, kini dili gayud makalimtan.”