Ang Simbahan Miusab sa Polisiya sa Pagsaksi og mga Ordinansa

Sa usa ka pagpangulo nga miting sa kinatibuk-ang komperensya diin Kinatibuk-ang mga Awtoridad ug Kinatibuk-ang mga Opisyales sa Simbahan modawat og panudlo gikan sa Unang Kapangulohan, gipahibalo ni Presidente Russell M. Nelson ang pamaagi sa mga kausaban sa polisiya sa Simbahan mahitungod kon si kinsa ang mahimong moserbisyo isip mga saksi sa mga pagbunyag ug mga sealing [pagbugkos].

Usa ka sulat sa Unang Kapangulohan gipetsahan og Oktubre 2, 2019, midetalye sa mga kausaban:

“Samtang gidapit sa mga tigdumalang awtoridad:

1. “Bisan kinsa nga miyembro nga naghupot og magamit nga rekomend sa templo, lakip na ang adunay limitasyon nga paggamit nga rekomend, mahimong moserbisyo isip usa ka saksi sa usa ka proxy [puli] nga bunyag.

2. “Bisan kinsang endowed nga miyembro nga adunay magamit nga rekomend sa templo mahimong moserbisyo isip usa ka saksi ngadto sa buhi o proxy nga sealing.

3. “Bisan kinsang nabunyagan nga miyembro sa Simbahan, lakip ang kabataan ug kabatan-onan, mahimong moserbisyo isip usa ka saksi ngadto sa bunyag sa usa ka buhi nga tawo.”