Fetuunai e le Ekalesia Aiaiga Faavae mo le Molimauina o Sauniga

I se fonotaga a taitai o le konafesi aoao, lea na maua ai e le Au Pulega Aoao ma Taitai Aoao o le Ekalesia ni faatonuga mai le Au Peresitene Sili, sa fofogaina ai e Peresitene Russell M. Nelson ni fetuunaiga faagasologa i aiaiga a le Ekalesia e tusa ai ma po o ai e mafai ona avea ma molimau i papatisoga ma faamauga.

O se tusi a le Au Peresitene Sili na tusia i le aso 2 o Oketopa, 2019, o loo auiliili ai ia fetuunaiga:

“Pe a valaaulia ai e pule faamalumalu:

1. “Soo se tagata o le ekalesia o loo umiaina se pepa faataga o le malumalu o loo aoga, e aofia ai se pepa faataga e tapulaa le aoga, e mafai ona auauna atu o se molimau i se papatisoga sui.

2. “Soo se tagata ua maua faaeega paia o loo i ai se pepa faataga o le malumalu o loo aoga e mafai ona auauna atu o se molimau i se faamauga mo ē o soifua po o se faamauga sui.

3. “Soo se tagata o le Ekalesia ua papatisoina, e aofia ai tamaiti ma le autalavou, e mafai ona avea ma se molimau i le papatisoga o se tagata o soifua.”