Ngaahi liliu ‘i he Ngaahi Makasini ʻa e Siasí

ʻE ʻi ai ha ngaahi liliu lahi ki he ngaahi makasini ʻa e Siasí ʻo kamata ʻi Sānuali 2021. ʻE hoko ʻa e Liahona ko e makasini maʻá e kakai lalahí, ʻo ʻi ai pē ha pulusinga ʻe taha maʻá e kakai lalahí fakaemāmani lahi. ʻE lava ʻo maʻu ʻi he funga ʻo e māmaní ʻa e ngaahi makasini maʻá e toʻu tupú mo e fānaú ko ha ngaahi pulusinga mavahevahe. ʻE fakalahi mo fakatupulaki ʻe he fakamatala ʻoku maʻu fakakomipiuta peé mo e ngaahi talanoa fakalotofonuá e ngaahi fakakaukau ki he ongoongoleleí mo e ngaahi maʻuʻanga tokoni ʻoku maʻu ʻe he kāingalotu ʻo e Siasí he feituʻu kotoa.

He ʻikai toe fakaʻaongaʻi e hingoa ko e Ensign, ʻe ui he taimí ni e makasini ʻa e toʻu tupú ko e Ki Hono Fakamālohia ʻo e Toʻu Tupú (ʻo fetongi e New Era), pea ʻe hoko atu pē ʻa e Ko e Kaumeʻá ko e makasini maʻá e fānaú.

‘E ʻomi ʻe he ngaahi liliu ko ʻeni ki he ngaahi makasiní ha ngaahi lelei lahi ki he Kāingalotu he funga ʻo e māmaní:

Ko e fuofua taimi ʻeni ʻe maʻu ai ʻe he ngaahi fāmili ʻi he ngaahi fonua mavahe mei he ngaahi fonua lea faka-Pilitāniá ha faingamālie ke nau totongi ha ngaahi makasini maʻá e fānaú mo e toʻu tupú.
‘I ha ngaahi feituʻu mo e ngaahi lea fakafonua ʻe niʻihi, ʻe pulusi tuʻo lahi ʻa e fakamatalá ʻo lahi ange ʻi ha toe taimi he kuohilí.
‘E maʻu ʻe he fāmili fakaemāmani lahi ʻo e Siasí ʻa e ngaahi pōpoaki tatau ʻi he ngaahi makasini fakaemāmani lahí.