2020
Ngaahi Temipale Foʻou ʻe Ono ne Fanongonongó
Nōvema 2020

Ngaahi Temipale Foʻou ʻe Ono ne Fanongonongó

Na‘e fanongonongo ʻe Palesiteni Lāsolo M. Nalesoni ha ngaahi temipale foʻou ʻe ono lolotonga e fakataha ʻo e hoʻatā Sāpaté ʻo e konifelenisi lahí. Na‘e fanongonongo ha ngaahi temipale ki:

  • Tarawa, Kilipati. Ko Kilipatí ko ha fonua ia ʻoku ʻi ai ha fanga kiʻi motu vāvāofi (atoll) ʻe 32 ʻi he Tahi Pasifikí ʻo ofi ki he laine vaheʻi ʻo e ʻaho fakavahaʻapuleʻangá.

  • Pooti Vila, Vanuatu. Ko Vanuatú ko ha fonua ia ʻi he Pasifiki Sauté ʻoku ʻi ai ha motu ʻe 80.

  • Linitoni, ʻIutā, USA. ‘Oku tuʻu ʻa Linitoni fakafuofua ki ha maile ʻe 40 (km ʻe 64) ki he fakatonga ʻo Sōleki Sití.

  • Greater Guatemala City, Guatemala. ‘E vavé ni pē ke ʻi ai ha temipale ʻe fā ʻi Kuatemala, ʻi ʻAmelika Lotolotó.

  • São Paulo East, Brazil. Ko e temipale ʻeni hono 12 kuo fanongonongo ki Palāsilá.

  • Santa Cruz, Bolivia. Ko e temipale hono ua ʻeni ʻi he fonua ko ʻeni ʻi ʻAmelika Tongá.

Talu e hoko ʻa Palesiteni Nalesoni ko e Palesiteni ʻo e Siasí ʻi he 2018, kuó ne fanongonongo hono langa ha ngaahi temipale foʻou ʻe 49. Kuo ʻi ai he taimí ni ha temipale ʻe 230 ʻa e Siasí ne fanongonongo, lolotonga langa, pe lolotonga ngāue.