Fanongonongo e Ngaahi Liliu ki he Tuʻunga Fakatakimuʻá

Na‘e fanongonongo ʻi he konifelenisi lahi ʻo ʻOkatopa 2020 ha mēmipa foʻou ʻo e Kau Palesitenisī ʻo e Kau Fitungofulú, ko ha Fitungofulu Taki Māʻolunga foʻou, ko ha mēmipa foʻou ʻo e Kau Pīsopeliki Pulé, mo ha kau Fitungofulu Fakaʻēlia foʻou ʻe toko fā.

Naʻe hikinimaʻi ʻa ʻEletā Brent H. Nielson ko ha mēmipa ʻo e Kau Palesitenisī ʻo e Kau Fitungofulú, hili hono tukuange ʻa ʻEletā L. Whitney Clayton, ʻa ia naʻe fokotuʻu ki he tuʻunga mālōlō fakalāngilangí. ʻOku hoko ʻa ʻEletā Patrick Kearon he taimí ni ko e Palesiteni Pule ʻo e Kau Fitungofulú, ko e lakanga ia ne tomuʻa ʻi ai ʻa ʻEletā Clayton.

Na‘e hikinimaʻi ʻa ʻEletā Dean M. Davies ko ha Fitungofulu Taki Māʻolunga, hili hono tukuange ia ko e Tokoni ʻUluaki ʻi he Kau Pīsopeliki Pulé. Na‘e hikinimaʻi ʻa Pīsope W. Christopher Waddell ke ne fetongi ʻa ʻEletā Davies ko e Tokoni ʻUluaki ʻi he Kau Pīsopeliki Pulé, mo Pīsope L. Todd Budge, ʻa ia naʻe tukuange mei he Fitungofulu Taki Māʻolungá, naʻe hikinimaʻi ia ko e Tokoni Uá (ko e lakanga ne tomuʻa ʻi ai ʻa Pīsope Waddell).

Naʻe tukuange foki mo ʻEletā Enrique Falabella mo ʻEletā Richard J. Maynes mei he Fitungofulu Taki Māʻolungá pea fokotuʻu ki he tuʻunga mālōlō fakalāngilangí.

ʻOku kamata ʻi he peesi ko ʻení ʻa e piokālafi ʻo ha kau taki ne filifili. Naʻe fanongonongo foki mo e tukuange ha kau Fitungofulu Fakaʻēlia ʻe toko 47 mo hono uiuiʻi ha kau Fitungofulu Fakaʻēlia ʻe toko fā (vakai ki he peesi 30).