Ko e hā e meʻa ʻokú ne langa ha fakavaʻe mālohí?

1–7 Māʻasi

Naʻe “ueʻi hake [ʻa Siosefa Sāmita] ʻe he Laumālie Māʻoniʻoní ke ʻai [ʻa e] tuʻunga” ʻo e Siasi ʻa e Fakamoʻuí kuo fakafoki maí (Tokāteline mo e Ngaahi Fuakava 21:2). Naʻe fakafoki mai e ngaahi tokāteline totonú mo e mafai ʻo e lakanga fakataulaʻeikí ʻiate ia. Naʻe fakatoka heni ha fakavaʻe fefeka ki hono fokotuʻutuʻu ʻo e Siasí ʻi ʻEpeleli 1830.

ʻE ʻoatu ʻe he lēsoni fakataumuʻa ko ʻení ʻa e mahuʻinga ke maʻu ha fakavaʻe ʻoku mālohí ki he Siasí.

Teuteú

Te ke fie maʻu ʻa e:

Ipu pelesitiki pe pepa ʻe ono pe lahi ange
Ko ha meʻa ʻoku tokalelei (hangē ko ha pepa fefeka, kapa taʻo keke, pe laʻipapa)
ʻŪ meʻa mamafa kehekehe, hangē ko ha ʻū tohi pe ngaahi foʻi maka

ʻI he ipu takitaha, hiki ha tefitoʻi moʻoni ʻe tokoni ke langa ʻa e fakavaʻe ʻa e Siasí, hangē ko e “lakanga fakataulaʻeikí” pe “ngaahi folofolá.” Te ke lava ʻo kumi e ngaahi tefitoʻi moʻoni ʻi he vahe 20–22 ʻo e Tokāteline mo e Ngaahi Fuakavá.

Ko hono Langa ha Fakavaʻé

Kamata ʻaki haʻo fehuʻi ki ho fāmilí pe ʻoku nau pehē ko e hā e lahi ʻo e mamafa ʻe lava ʻe he ipu ʻe tahá ke fuesiá. Fēfē ha ʻū ipu kehekehe?

Fakafoʻohifo e ʻū ipú ʻi he falikí pe ko ha funga tēpile. Fokotuʻutuʻu kinautolu ʻi ha laine ʻe ua, ko e ipu ʻe tolu ʻi he laine takitaha. Hili ʻa e papa tokaleleí ʻi he funga ipú pea kamata ke hili hifo ʻi ʻolunga ai ʻa e ʻū meʻa mamafá. Ko e hā e lahi ʻo e meʻa te ne lava ʻo pukepuké?

Tā fakatātā ʻa David Habben