N̄an Jinen im Jemān Ajri ro

Karōk in Lo̧mo̧o̧r im Lōke Irooj

Iakwe Pāāren ro Rejitōnbōro,

Kwomaron̄ kōjerbal ennaan ko im pija ko n̄an jino ekkōnono ko ilo baam̧le eo am̧ im jipan̄ er meļeļe aorōk in katak ko āinwōt karōk in ļo̧mo̧o̧r im lōke Irooj.

Karōk in Lo̧mo̧o̧r

Kōjerbal “Unin Kōnono ko an Gospel” ilo peij 6 n̄an jipan̄ ajri ro nejimi ekkatak eļapļo̧k kōn karōk in lo̧mo̧o̧r. Kōnono elmen an jeļāļo̧kjeņ eo kōn karōk in lo̧mo̧o̧r kōjeraam̧m̧an eok im baam̧le eo am̧. Ļōmņak bwe ro nejūm̧ ren jin̄aik karōk in lo̧mo̧o̧r im kōtļo̧k aer kajjojo kōmeļeļeiki jidikin.

Lōke Irooj

Riit en̄jake eo an Būratōr Milton Camargo ilo peij 21. Ilo am̧ ekkōnono kake ippān ajri ro nejūm̧, ļōmņak in kajjitōk: Elmen an mijinede in kwaļo̧k an lōke Anij? Elmen am̧ kwaļo̧k lōke Irooj? Ta jet iaan wāween ko kwaar jeraam̧m̧an kaki ilo am̧ kar lōke Anij?

Kōnono kōn Kōm̧m̧an ko Renana

Kōjerbal ļōmņak kein ilo ennaan eo ilo peij 14 n̄an jeļā elmen n̄an kile kōm̧m̧an ko renana, im jurake, im katakin ajri ro kilen kōjparok er make.