Lako Mai, Mo Muri Au

Na Vosa Vakatautauvata ni Dua na Turaga: E Dua na Lesoni ni Talairawarawa

NaVunau kei na Veiyalayalati 101:43–62 e vakaraitaka e dua na vosa vakatautauvata a soli me vakamacalataka na vuna era a vakasavi tani kina mai Misuri na Yalododonu.

Ena vosa vakatautauvata, era sa tekivu tara na italai e dua na vale cecere ia era sa qai lewa ni “sa sega ni yaga” me dua (Vunau kei na Veiyalayalati 101:49). Ia, baleta ni ra a sega ni tara na vale cecere, era sega ni vakasalataki ni sa basubai mai na meca ka vakarusa na were ni vaini.

illustrations from parable of the nobleman — Na **turaga** ena vakasalataki ira na nona tamata mera teivaka e dua na were ni vaini ka tara wavoki na veivunikau kei na dua na vale cecere me rawa vei ivakatawa me raica vinaka mai na vanua.

Era tea natamata cakacaka na were ni vaini ka tara na veikau ia era sa qai lewa me ra kakua ni tara na vale cecere.

E **dua na meca sega ni laurai** e vakarusa na were ni vaini.

Au dau taroga lesu beka na ivakaro ni Kalou?

O sa bau, vakataki ira beka na tamata cakacaka, vakataroga lesu na ivakaro ke sa gadrevi dina beka? Na vosa vakatautauvata oqo e vakavulica vei keda ni na taqomaki keda na ivakaro ni Turaga ka vukei keda meda bula marau (raica talega na Mosaia 2:41; Vunau kei na Veiyalayalati 82:8–10).

Na cava e rawa ni da cakava ke da sega ni raica rawa na kena gadrevi e dua na ivakaro?

Vulica na ulutaga ka masu vua na Turaga me vukei keda meda “vakila sara ni sa dodonu” (Vunau kei na Veiyalayalati 9:8).
Nanuma na veigauna sa oti ni dau kauta mai na veivakalougatataki na talairawarawa.¹
Cakacaka ena vakabauta, ka nuitaka ni da na kila vinaka “ni sa vakatovolei oti na [noda] vakabauta” (Ica 12:6).