O sa Kidavaki Mai ki na iLavelave Oqo

Mera Dokai O Ira Kece na Luve ni Kalou

Sa vakauqeti keda o Peresitedi Russell M. Nelson meda “vakarabailevutaka na noda loloma meda karona na matavuvale taucoko vakatamata” (iVakavuvuli nei Russell M. Nelson [2018], 83). Ena duidui levu vei ira na luve ni Kalou, e rawa vakacava ni da bulia e dua na itikotiko ka ra bula lomavata kina na tamata kecega?

Ena nona itukutuku “Tarai Saioni Cake” (tabana e 12), e sureti keda o Elder Gerrit W. Gong ena Kuoramu ni iApositolo Le Tinikarua meda vakaduavatataka na yaloda kei na noda vakasama ni da sureta na tamata kecega me lako mai vei Karisito. “Me Vakadrukai na Veivakaduiduitaki va Kawa Tamata kei na Lewa Vakatani: E Rawa ni Da Tara na Kawakawa” (tabana e 18) e rawa ni vukei keda ena noda sasaga meda duabau. E dina ga, na noda yaco me dua e okati kina na noda taura na yaca i Jisu Karisito me vaka e dua na lotu, vakakina na tamata yadua. Vulica eso tale na ka ena “Sa Kacivi Kina na Noqu Lotu” mai vei Peresitedi Henry B. Eyring (tabana 8).

E sega walega ni dua na ivakaro na kena buli na duavata ena noda duidui (raica na Joni 17:21; Vunau kei na Veiyalayalati 38:27), ia sa madigi talega meda vuli mai kina ka vakalougatataki mai vei ira na tacida kei na ganeda ni itovo vakavanua, matatamata, kei na veikasotavi tale eso. Keitou nuitaka ni na vukei keda kece sara na ivolatabaki ni vula oqo meda duavata vakalevu cake vei Karisito.

Wekamuni dina,

Elder Walter F. González

Ena Vitusagavulu

Daunivakasala ki na Liaona