Baleti Ira na iTubutubu

Na Yaca ni Lotu ka Tarai Cake o Saioni

Kemuni na iTubutubu,

Sa rawa mo ni vakayagataka na veitukutuku oqo kei na kedra iyaloyalo me dolavi kina na veitalanoa kei na nomu matavuvale ka vukea me ratou kila deivaki na ulutaga bibi eso me vaka na vakayagataka na yaca dodonu ni Lotu ka tarai cake ko Saioni.

Na Yaca Dodonu ni Lotu

Dou wilika vakamatavuvale eso na italanoa mai na itukutuku nei Peresitedi Eyring “Oqo Na Yaca Ena Kacivi Kina Na Noqu Lotu,” tekivu ena tabana e 8. Sa rawa mo railesu na vosa nei Peresitedi Nelson ena ulutaga oqo ena koniferedi raraba ni Okotova 2018. Ena sala cava soti o sa bau vakalougatataki kina kei na nomu matavuvale ena nomu sasaga mo vakayagataka na yaca dodonu ni Lotu—Na Lotu i Jisu Karisito ni Yalododonu Edaidai?

Tarai Cake o Saioni

Tarogi ira na luvemu na cava era nanuma me baleta na ibalebale ni Saioni . Qai vakayagataka na itukutuku nei Elder Gerrit W. Gong “Vakaturi Saioni Cake” ena tabana e 12 me vukei ira mera vulica vakalevu cake na ibalebale kei Saioni ena gauna sa oti kei na gauna oqo. Sa rawa mo veivosakitaka na sala eso e rawa ni veivuke kina na nomu vuvale me tarai cake o Saioni ena loma ni nomu vale kei na nomu itikotiko raraba.

Lako Mai, Mo Muri Au Veivuke ni Vuli

Raica na tabana e 26 me baleta na itukutuku ena veiulutaga duidui ena Lako Mai, Mo Muri Au, me tokona na nomu vulica na Vunau kei na Veiyalayalati ena vula oqo.