Lako Mai, Mo Muri Au

Keba kei Saioni—Vakavakarau me Qarava na Turaga

Ni ra sa vakatokai na ilawalawa lewe ni Lotu me keba kei Saioni era sa lakova yani e drau na maile me ra vukei ira kina na wekadra Yalododonu Edaidai, a kaya na Turaga vei Josefa Simici me tawasei ira na ilawalawa, e dina ga ni ra nanuma ni ra se bera ni rawata nodra lalawa. Ena vuku ni ka oqo, eso era sa vakatoka na Keba kei Saioni me takiveiyaga, ia o ira era a vakaitavi era vakadinadinataka ni a vakarautaki ira na veika era sotava me baleta na veiqaravi ni veisiga ni mataka vua na Turaga.

Ena ilakolako balavu oya, eso vei ira na lewe ni keba era a kudru ka vosa saqata na Parofita o Josefa, ia eso era a yalodina vua ka vulica na vosota kei na talairawarawa.

Feperueri 1834: A ciqoma o Josefa Simici e dua na ivakatakila me raica e rauta ni 100 na tamata me ra lako ki Misuri ka vukei ira na Yalododonu me ra taura lesu tale na nodra vanua ena yasayasa vaka-Jekesoni.
Na 2 na ilawalawa era muria e rua na sala duidui era qai sota ena Jiuna.
E 205 na tagane, 25 na marama, kei na gone era a vakaitavi.
Era a lakova yani e 20–40 na maile (32 ki na 64 km) ena dua na siga.
E lewe vuqa era lakova tu mai na 900 na maile (1,450 km) ena Va na Korolelevu.
Era a13 na Yalododonu a vakaleqai mai na dua na mate na kolera ena keba.
E8 vei ira na imatai ni 12 na iApositolo edaidai era a veiqaravi ena keba oqo.
O ira kece na imatai ni Vitusagavulu edaidai era a lewe ni keba.
June 1834: E ciqoma na ivakatakila na Parofita o Josefa ena kena ciqomi na nodra soli ka na lewe ni keba oya ka ra veilakoyaki yani.

Veivosaki

Na cava o nanuma e kena ibalebale me da vueti Saioni? (raica na Vunau kei na Veiyalayalati 103:15).