ʻOku Talitali Lelei Kimoutolu ki he Makasini ko ʻEní

Fakaʻapaʻapa ki he Fānau Kotoa ʻa e ʻOtuá

Kuo kole mai ʻe Palesiteni Russell M. Nelson ke tau “fakalahi ʻetau ʻofá ke ne kāpui kotoa ʻa e fāmili ʻo e tangatá” (Teachings of Russell M. Nelson [2018], 83). ʻI he lahi fau e faikehekehe ʻi he fānau ʻa e ʻOtuá, te tau lava fēfē ʻo fokotuʻu ha kolo ʻoku nofo uouangataha ai e kakai kotoa pē?

ʻOku fakaafeʻi kitautolu ʻe ʻEletā Gerrit W. Gong ʻo e Kōlomu ʻo e Kau ʻAposetolo ʻe Toko Hongofulu ʻi heʻene fakamatala “ʻOmi ʻa Saione” (peesi 6), ke tau faaitaha hotau lotó mo e ʻatamaí ʻi heʻetau fakaafeʻi ʻa e kakai kotoa pē ke haʻu kia Kalaisí. ʻE lava ke tokoni ʻa e “Ko Hono Ikunaʻi ʻo e Laulanú mo e Loto-fakamāú: Te Tau Lava ʻo Langa ha Ngaahi Hala Fakakavakava” (peesi 38) ʻi heʻetau feinga ke hoko ʻo tahá. Ko hono moʻoní, ʻoku kamata e hoko ʻo tahá ʻi hono fakahoko mo tauhi e ngaahi fuakava mo ʻetau Tamai Hēvaní. Ako lahi ange ʻi he “Ngaahi Fuakavá, Ngaahi Ouaú, mo e Ngaahi Tāpuakí” ʻa ʻEletā Randy D. Funk ʻo e Kau Fitungofulú (peesi 30).

ʻOku ʻikai ngata pē ʻa e hoko e fakatupu ha uouangataha ʻi heʻetau ngaahi faikehekehé, ko ha fekaú (vakai, Sione 17:21; Tokāteline mo e Ngaahi Fuakava 38:27) ka ko ha faingamālie foki ia ke tau ako pea tāpuekina kitautolu ʻe hotau kāinga ʻo e ngaahi anga fakafonua, feituʻu tupuʻanga, mo e ngaahi aʻusia kehé. ʻOku mau fakatauange ʻe tokoniʻi kitautolu kotoa ʻe he makasini ʻo e māhina ní ke tau moʻui faaitaha ange ʻia Kalaisi.

Fakaʻapaʻapa atu,

ʻEletā Walter F. González

ʻO e Kau Fitungofulú

ʻEtivaisa ki he Liahoná