Siasi Moʻuí, Kau Palōfita Moʻuí

Ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ko ha “siasi moʻui” (Tokāteline mo e Ngaahi Fuakava 1:30) ʻoku tataki ʻe ha palōfita ʻo e onopōní. ʻOkú ne maʻu ha fakahā mei he ʻOtuá ke tataki ʻa e Siasí kotoa. Ko ha ngaahi sīpinga ʻeni ʻo e fakahinohino fakalaumālie kuo ʻomi ʻe he Kau Palesiteni ʻo e Siasí:

Siosefa Sāmita

1830: Naʻe maʻu ʻe he Palōfita ko Siosefá ha fakahā ʻoku totonu ke tānaki fakataha ʻa e Siasí ʻi he ngaahi konifelenisí. Naʻe fakahoko ʻa e fuofua konifelenisi lahí ʻi Sune.

Pilikihami ʻIongi

1849: Naʻe fanongonongo ʻe Palesiteni ʻIongi ʻa e Paʻanga Tokoni Hikifonua Tuʻumaʻú lolotonga e konifelenisi lahí. Naʻe iku ke tokoni ia ki ha Kāingalotu ʻe toko 30,000 nai ke nau aʻu ki he Teleʻa Sōlekí.

Sione Teila

1878: Naʻe fokotuʻu ʻe Palesiteni Teila ʻa e Palaimelí, ʻa ia naʻe tokoni ke akoʻi ʻa e fānaú fekauʻaki mo e ongoongoleleí.

Uilifooti Utalafi

1890: Naʻe fakahā ʻe Palesiteni Utalafi ʻa e Fanongonongo Fakamafaiʻí ʻi he Konifelenisi Lahi Fakavaeuataʻu Hono 59 (vakai, Fanongonongo Fakamafaiʻi 1).

Lolenisou Sinou

1899: Naʻe vahevahe ʻe Palesiteni Sinou ʻene maʻu fakahā fekauʻaki mo e vahehongofulú ʻi he ngaahi konifelenisi ʻa e Siasí.

Siosefa F. Sāmita

1918: Naʻe pehē ʻe Palesiteni Sāmita ʻi he konifelenisi lahí, hili ha ʻaho mei heʻene maʻu ha mata meʻa-hā-mai ki hono huhuʻi ʻo e pekiá, kuó ne “fetuʻutaki mo e Laumālie ʻo e ʻEikí.”

Hiipa J. Kalānite

1936: Naʻe fanongonongo ʻe Palesiteni Kalānite ʻa e Palani Maluʻi ʻa e Siasí ke poupouʻi ʻa e ngāué mo e moʻui fakafalala pē kiate kitá.

Siaosi ʻAlipate Sāmita

1946: Naʻe kikite ʻa Palesiteni Sāmita ʻe vavé ni pē hano vahevahe ʻo e ongoongoleleí mo e kakai ʻi he ngaahi feituʻu mamaʻo ʻo e māmaní ʻo fakafou ʻi he tekinolosiá.

Tēvita O. Makei

1959: Naʻe akoʻi ʻe Palesiteni Makei ko e “mēmipa kotoa pē ko ha faifekau.”

Siosefa Filitingi Sāmita

1970: Naʻe tuku mavahe ʻe Palesiteni Sāmita ʻa e Mōnité ko e ʻaho ia ki he efiafi fakafāmili ʻi ʻapí.

Hāloti B. Lī

1973: Naʻe fakahā ʻe Palesiteni Lī ko e Potungāue Tokoni Fakauelofeá te ne tokangaʻi e ngaahi ngāue tokoni ʻofa fakaetangatá.

Sipenisā W. Kimipolo

1978: Naʻe fakahaaʻi e maʻu fakahā ʻa Palesiteni Kimipolo ki he lakanga fakataulaʻeikí ke tali ʻe he Siasí ʻi he konifelenisi lahí.

ʻEselā Tafu Penisoni

1986: Naʻe fakahā ʻe Palesiteni Penisoni ʻa e finangalo ʻa e ʻEikí ke fakamamafaʻi ʻa e Tohi ʻa Molomoná ko e uho ia ʻo hono ako ʻo e ongoongoleleí.

Hauati W. Hanitā

1994: Naʻe kole ʻe Palesiteni Hanitā ki he kāingalotu kotoa pē ke nau moʻui taau ke maʻu ha lekomeni temipale.

Kōtoni B. Hingikelī

1998: Naʻe fanongonongo ʻe Palesiteni Hingikelī ʻe langa ʻe he Siasí ha ngaahi temipale iiki ange ʻi ha ngaahi feituʻu lahi ange.

Tōmasi S. Monisoni

2012: ʻOku tukuhifo ʻe Palesiteni Monisoni ʻa e taʻu motuʻa ʻoku fie maʻu ki he kau faifekaú ki he taʻu 18 maʻá e kakai tangatá mo e taʻu 19 maʻá e houʻeiki fafiné.

Lāsolo M. Nalesoni

2020: Naʻe fakahā ʻe Palesiteni Nalesoni ʻa e fanongonongo ki hono Fakafoki Mai ʻo e Ongoongoleleí ʻi he Konifelenisi Lahi Fakataʻu Hono 190.