Eja, Më Ndiq

Zanafilla 37–50

Ngjashmëritë midis Jozefit të Egjiptit dhe Jezu Krishtit

Dhiata e Vjetër përmban shumë profeci, histori dhe simbole që kumtojnë jetën dhe misionin e Shpëtimtarit, Jezu Krishtit. Një nga këto histori është ajo e Jozefit të Egjiptit.

figura të ndryshme, si ajo e qengjit dhe bukës, për të ilustruar ngjashmëritë midis Jozefit të Egjiptit dhe Jezu Krishtit

Ilustrimet nga Andrew Colin Beck

Jozefi i Egjiptit	Jezu Krishti
Jozefi ishte bari (shih Zanafilla 37:2).	Një nga emrat e Krishtit është “bariu i mirë” (Gjoni 10:11).
Jozefin e shitën si skllav në Egjipt (shih Zanafilla 37:26–28).	Jezusin e tradhtuan për 30 sikla argjendi – çmimi i një skllavi (shih Eksodi 21:32; Mateu 26:15).
Vëllezërit e Jozefit nuk e njohën atë kur shkuan në Egjipt për të blerë ushqim (shih Zanafilla 42:7–8).	Njerëzit e Krishtit nuk e njohën Atë si Shpëtimtar (shih Lluka 4:22, 28–29; Gjoni 1:10).
Jozefi ia zbuloi veten vëllezërve të tij kur erdhën për të folur me të herën e dytë (shih Zanafilla 45:1–5).	Krishti do t’i shfaqet Izraelit në Ardhjen e Tij të Dytë (shih Mateu 24:30–31; Doktrina e Besëlidhje 88:104).
Duke ndjekur udhërrëfimin e Perëndisë, Jozefi kishte mjaftueshëm bukë për ta shpëtuar Egjiptin nga zia e bukës (shih Zanafilla 47:13–19).	Jezu Krishti është “buka e jetës” (Gjoni 6:35; shih edhe vargun 51).

Diskutim

Çfarë ngjashmërish të tjera vini re midis Jozefit të Egjiptit dhe Shpëtimtarit? Çfarë mësoni nga ky krahasim që ju ndihmon ta kuptoni ose vlerësoni më mirë Shpëtimtarin? A ka rrëfime të tjera te Dhiata e Vjetër që ju kujtojnë jetën dhe misionin e Krishtit?