„Kristur læknar hið brotna,“ Til styrktar ungmennum, maí 2022.
Sunnudagsmorgunn
Kristur læknar hið brotna
Útdráttur
Ljósmynd eftir Mark Mabry
Við getum lært mikið í ritningunum um það hvernig frelsari okkar, Jesús Kristur, mun hjálpa okkur að takast á við hið brotna í lífinu á farsælan hátt, sama hver aldur okkar er. …
Þegar frelsarinn kenndi í musterinu, komu fræðimennirnir og farísearnir með konu til hans. Við vitum ekki alla sögu hennar, bara að hún var „staðin að hórdómi“ [Jóhannes 8:4]. …
Viðbrögð Krists við þessari dýrmætu dóttur Guðs, voru þessi: „Ég sakfelli þig ekki heldur. Far þú. Syndga ekki framar“ [Jóhannes 8:11]. Önnur leið til að segja: „Far þú. Syndga ekki framar,“ væri ef til vill: „Far þú og breyttu þér.“ Frelsarinn var að bjóða henni að iðrast. …
Drottinn kennir að það sé altækt boðorð að fyrirgefa öðrum: „Ég, Drottinn, mun fyrirgefa þeim, sem ég vil fyrirgefa, en af yður er krafist, að þér fyrirgefið öllum mönnum“ [Kenning og sáttmálar 64:10]. …
Oft getum við fundið okkur í sporum hins lamaða betlara við musterishliðið, þolinmóð – eða stundum óþolinmóð – að „vona á Drottin“ [Jesaja 40:31]. …
Að iðka trú á Krist, merkir að treysta ekki aðeins á vilja Guðs, heldur líka á tímasetningu hans. Hann þekkir þarfir okkar nákvæmlega og hvenær við þörfnumst þeirra. …
… Það er ekkert í lífi ykkar sem er brotið eða brostið sem er utan læknandi, endurleysandi og virkjandi máttar Jesú Krists.