“Tēvita mo Kolaiate: Tui kae ʻIkai Manavahē,” Liahona, Sune 2022.
Haʻu, ʻo Muimui ʻIate Au
Tēvita mo Kolaiate: Tui kae ʻIkai Manavahē
ʻŪ tā fakatātā ʻa Andrew Beck / Marlena Agency
Tēvita
-
Ko ha kiʻi tamasiʻi tauhisipi taʻu hongofulu tupu
-
Māʻolungá: ʻOku ʻikai fakamahinoʻi ʻe he Tohi Tapú ʻa e māʻolunga pe taʻu motuʻa ʻo Tēvitá, ka ʻoku tau ʻiloʻi naʻá ne kei talavoú.
-
Meʻataú: Ko ha maka tā mo ha foʻi maka hamolemole ʻe nima
Kolaiate
-
Ko ha tangata tau Filisitia
-
Māʻolungá: Lahi hake ʻi he fute ʻe 9 hono māʻolungá (mita ʻe 3)
-
Meʻataú: Tao, teunga tau naʻe pāuni ʻe 150 (kilo ʻe 67.5), heletā
-
Naʻe manukiʻi mo poleʻi ʻe Kolaiate ʻa e kakai ʻIsilelí ʻi ha ʻaho ʻe 40.
Ko Tēvita pē, ko ha kiʻi tamasiʻi tauhisipi, naʻá ne maʻu ʻa e loto-toʻa ke tau mo Kolaiaté. Naʻe talaange kiate ia ʻe he Tuʻi ko Saulá ke ʻoua naʻa ʻalu ka naʻá ne ʻalu pē koeʻuhí naʻá ne ʻiloʻi ʻokú ne kau mo e ʻOtuá, pea naʻá ne tui kiate Ia.
Naʻe manukiʻi ʻe Kolaiate ʻa Tēvita mo ʻIsileli kotoa ʻi heʻenau fekauʻi mai ha kiʻi tamasiʻi ke taú. Ka naʻe fakahaaʻi ʻe he tali ʻa Tēvitá ʻa ʻene tuí: “ʻOkú ke haʻu kiate au ʻaki ʻa e heletā, mo e tao, pea mo e pā: ka ʻoku ou ʻalu atu kiate koe ʻi he huafa ʻo [e ʻEiki] ʻo e ngaahi kau taú, ko e ʻOtua ʻo e ngaahi tau ʻa ʻIsilelí” (1 Samuela 17:45).
Naʻe ikunaʻi ʻe Tēvita ʻa Kolaiate ʻaki ha maka tā mo ha foʻi maka, ʻo ne tāmateʻi ia, ʻo tupu ai e hola ʻa e kau Filisitiá mei he kau ʻIsilelí.