¶ 1 BEA nae tanaki e he kakai Filisitia ae nau gaahi tau ke tau, bea nae katoa fakataha akinautolu i Soko aia oku o Juta, o nau abitaga i he vahaa o Soko mo Aseka i Efesi‐tamemi.

2 Bea kuo katoa fakataha a Saula moe kau tagata o Isileli, o nau abitaga i he telea o Ila, o nau fakanofonofo ae tau ke tau‘i ae kakai Filisitia.

3 Bea nae tuu ae kau Filisitia i he mouga i he botu e taha, bea tuu a Isileli i he mouga i he botu kehe: bea nae ai ae telea i ho na vahaa.

¶ 4 Bea nae alu atu mei he abitaga oe kau Filisitia ae tagata to‘a, ko Kolaiate o Kati hono higoa, koe haga e hogofulu ma tolu hono maoluga.

5 Bea nae i hono ulu ae tatā balasa, bea nae kofu ia aki ae kofu balasa: bea koe fakatatau o hono kofu koe sikeli balasa e nima afe.

6 Bea nae kofu aki ae balasa a hono va‘e bea nae i he vahaa o hono uma ha jifa balasa.

7 Bea koe kau o hono tao nae hage koe akau fakamauga ae tagata lalaga; bea ko hono mamafa oe ulu o hono tao koe sikeli aione e onogeau: bea nae alu ha toko taha i hono ao ke fua ae ba.

8 Bea nae tuu ia o kalaga ki he gaahi tau o Isileli, o ne behe kiate kinautolu, Koeha kuo mou ha‘u ke fakatoka ai ae tau? ikai koe Filisitia au, bea mo kimoutolu koe kau tamaioeiki kia Saula? fili ha tagata maa moutolu, bea tuku ke alu hifo ia kiate au.

9 Kabau oku mafai eia ke ma tau mo au, bea ne tamate‘i au, behe te mau hoko ho hoo mou kau tamaioeiki: bea kabau teu malohi au kiate ia, o tamatei‘i ia, te mou hoko koe mau kau tamaioeiki, bea te mou tauhi akimautolu.

10 Bea nae behe e he tagata Filisitia, Oku ou jibitau ki he gaahi tau o Isileli he aho ni; tuku mai ha tagata ke ma fai mo au.

11 Bea i he fanogo a Saula mo Isileli kotoabe ki he gaahi lea koia ae tagata Filisitia, naa nau ilifia mo manavahe lahi.

¶ 12 Bea ko Tevita koe foha ia oe tagata o Efalata o Betelihema, ko hono higoa ko Jese; bea nae iate ia ae foha e toko valu: bea nae lau ae tagata koia moe kau mātua i he gaahi aho o Saula.

13 Bea nae muimui ia Saula ki he tau ae gaahi foha e toko tolu o Jese nae tuu ki mua; bea koe higoa o hono foha e toko tolu nae alu ki he tau, ko Iliabe koe uluaki ia, bea nae hoko mo ia a Abinatabi, bea ko hono toko tolu ko Sama.

14 Bea koe ki mui a Tevita: bea nae muimui ia Saula ae taokete e toko tolu.

15 Ka nae hiki a Tevita mei a Saula ke toe alu o tauhi ae faga sibi a ene tamai i Betelihema.

16 Bea nae unuunu mai ae tagata Filisitia i he bogibogi moe efiafi, o ne fakaha ia i he aho e fagofulu.

17 Bea nae behe e Jese ki hono foha ko Tevita, Koeni, ke ke ave ki ho gaahi taokete ae efa e taha oe uite tunu ni, moe foi ma e hogofulu, bea ke lele ki he abitaga ki ho kaiga;

18 Bea ke ave ae gaahi Iisi e hogofulu ki he eiki oe nau toko afe, bea vakai, be oku fefe a ho gaahi taokete, bea ke ma‘u e nau boboaki.

19 Bea koeni, ko Saula mo kinautolu, moe kau tagata kotoabe o Isileli, naa nau i he telea o Ila, ke tau moe kakai Filisitia.

¶ 20 Bea nae tuu hegihegi hake a Tevita i he abogibogi, o ne tuku ae faga sibi ki he tagata ke leohi, bea nae teu, o alu ia, o hage koe fekau a Jese kiate ia; bea nae hoko atu ia ki he keli, o feuga mo ene alu atu ae tau ke tau, moe nau kaila ki he tau.

21 He nae oji hono fakaotu ae tau e Isileli moe kakai Filisitia, bea nae fehagaaki ae tau ki he tau.

22 Bea nae tuku e Tevita ae gaahi mea nae tokonaki ki he nima oe tagata leo koloa, ka ka lele ia ki he tau, bea nae hoko atu ia o ne feiloaki mo hono gaahi taokete.

23 Bea i he e nau kei talanoa, vakai, nae alu hake ae fuu to‘a koe tagata Filisitia o Kati, ko Kolaiate hono higoa, mei he gaahi tau oe kakai Filisitia, bea nae lea ia o fakatatau ki he ene gaahi lea mua: bea nae fanogo ki ai a Tevita.

24 Bea i he mamata kiate ia ae kau tagata kotoabe o Isileli, naa nau hola meiate ia, bea manavahe lahi.

25 Bea nae behe e he kau tagata o Isileli, Kuo mou mamata ki he tagata ni kuo alu hake? koe mooni kuo alu hake ia ke luki ki Isileli: ka e iloga ae tagata e tamate‘i ia, e fakakoloa ia e he tu‘i aki ae koloa lahi, bea e foaki kiate ia hono ofefine, bea e fakatauataina ae fale o ene tamai i Isileli.

26 Bea nae lea a Tevita ki he kau tagata nae tuu i ai, o behe, Koeha e fai ki he tagata oku ne tamate‘i ae Filisitia ko eni, bea ave ke mamao ae manuki mei Isileli? he kohai ae Filisitia tae kamu ni koeuhi ke tuu ia o luki ki he yaahi kautau ae Otua moui?

27 Bea nae lea ae kakai kiate ia o fakatatau moia kuo lau, o behe, E behe be hono fai ki he tagata te ne tamate‘i ia.

¶ 28 Bea nae fanogo a Iliabe ko hono taokete i he ene lea ki he kau tagata; bea nae tubu ai ae ita a Iliabe kia Tevita, bea behe eia, Koeha naa ke omi ai ki heni? bea kuo ke tuku ki ahai ae faga sibi jii na i he toafa? oku ou ilo hoo fielahi, moe kovi lahi o ho loto; he kuo ke ha‘u ki heni koeuhi ke ke mamata ki he tau.

29 Bea nae behe e Tevita, Ko eni koeha kuou fai? Ikai oku ai hono uhiga?

¶ 30 Bea ne tafoki ia meiate ia o haga ki he toko taha, o toe lea o behe be: bea nae toe tala kiate ia, o hage koe fuofua lea.

31 Bea i he ene ogoogo atu ae gaahi lea nae lea aki e Tevita, naa nau fakaha ia i he ao o Saula: bea naa ne fekau ke omi ia.

¶ 32 Bea nae behe e Tevita kia Saula, Oua naa ilifia ae loto o ha tagata koeuhi koia; ko hoo tamaioeiki ko au teu alu o tau‘i ae tagata Filisitia.

33 Bea nae behe e Saula kia Tevita, Oku ikai te ke mafai ke alu ke tuu hake o tau‘i ae Filisitia ni: he koe tamajii be akoe, ka koe tagata tau be ia talu ene kei jii.

34 Ka nae behe e Tevita kia Saula, Nae tauhi e hoo tamaioeiki ae faga sibi a ene tamai, mo ene ha‘u ae laione moe bea, o buke o ave ae uhiki‘i lami mei he faga sibi:

35 Bea naaku tuli ia ituaa, o ta‘i ia, beau fakamoui ia mei hono gutu: bea i he ene tuu ki oluga kiate au, naaku buke ia i hono fakabau, bea ta ia o tamate‘i.

36 Nae tamate‘i fakatouoji be e hoo tamaioeiki ae laione moe bea: bea koe Filisitia tae kamu ni, e tatau ia mo ha taha o kinaua, koe mea i he ene bole ki he gaahi tau ae Otua o Isileli.

37 Bea nae lea foki a Tevita o behe, Ko Jihova aia naa ne fakamoui au mei he bejibeji oe laione, moe bejibeji oe bea, te ne fakamoui au mei he nima oe Filisitia ni. Bea nae behe e Saula kia Tevita, Alu, bea ke iate koe a Jihova.

38 Bea nae fakakofu tau e Saula a Tevita, bea ne ai ae tatā balasa ki hono ulu; bea ne ai kiate ia foki ae kofu balasa.

39 Bea nae nonoo e Tevita ene heleta itua ki he kofu tau, o ne ahiahi ke alu; he nae heeki ai te ne ahiahi‘i ia. Bea nae behe e Tevita kia Saula, Oku ikai teu faa alu moe nāunāu ni: he kuo ikai teu ahiahi‘i ia. Bea nae vete ia e Tevita o ne tuku ia.

40 Bea nae too eia hono tokotoko i hono nima, o ne fili ae foi maka molemole e nima mei he tafeaga vai, o ne ai ia ki he kato ae tauhi sibi nae iate ia, aia koe kato jii; bea nae i hono nima ene makata: bea nae unuunu atu ia ki he tagata Filisitia.

41 Bea nae ha‘u ae tagata Filisitia o ne unuunu ke ofi kia Tevita: bea koe tagata nae fua ae ba nae alu muomua ia i hono ao.

42 Bea i he fejiofaki ae tagata Filisitia, o ne mamata kia Tevita, naa ne manuki kiate ia: he nae kei tamajii be ia, bea totototo, bea matamatalelei hono mata.

43 Bea behe e he tagata Filisitia kia Tevita, Koe kuli au, kuo ke ha‘u ai kiate au moe gaahi akau? Bea kabe‘i e he tagata Filisitia a Tevita i hono gaahi otua.

44 Bea behe e he tagata Filisitia kia Tevita, Ha‘u kiate au, bea teu atu ho kakano ki he faga manu oe atā, bea ki he faga manu oe vao.

45 Bea behe e Tevita ki he tagata Filisitia, Oku ke ha‘u kiate au aki ae heleta, moe tao, bea moe ba: ka oku ou alu atu kiate koe i he huafa o Jihova oe gaahi kau tau, koe Otua oe gaahi tau a Isileli, aia kuo ke bolebole ki ai.

46 E tuku koe e Jihova he aho ni ki hoku nima; bea teu ta‘i koe o too ho ulu meiate koe; bea teu foaki ae gaahi agaaga oe tau ae kakai Filisitia he aho ni ki he faga manu oe atā, bea ki he faga manu kaivao oe fonua, koeuhi ke hoko o ilo e mamani kotoabe, oku ai ha Otua o Isileli.

47 Bea e hoko o ilo e he fakataha ni kotoabe, oku ikai fakamoui e Jihova aki ae heleta moe tao; he oku a Jihova ae tau, bea te ne tuku akimoutolu ki ho mau nima.

48 Bea nae hoko o behe, i he tuu hake ae tagata Filisitia, bea ha‘u ke unuunu mai ke fakafetaulaki kia Tevita, nae fai vave a Tevita o lele atu ki he fuu tau ke fakafetaulaki atu ki he Filisitia.

49 Bea nae ala e Tevita hono nima ki he ene kato, o ne too mei ai ae foi maka, o ne makata‘i ia, o ne ta‘i ae Filisitia i hono foi lae, bea nae galo hifo ae maka i hono ulu; bea ne to o tuu hono mata ki he kelekele.

50 Ko ia nae ikuna e Tevita ae tagata Filisitia aki ae makata moe foi maka, o ne ta‘i ae Filisitia, o tamate‘i ia; ka nae ikai ha heleta i he nima o Tevita.

51 Bea koia nae lele ai a Tevita o tuu ki he tagata Filisitia, o ne buke ene heleta aana, o unuhi ia mei hono aiaga, o tamate‘i ia o ne tutuu aki ia a hono ulu. Bea i he mamata ae kau Filisitia kuo mate ho nau to‘a, naa nau hola.

52 Bea nae tuu hake ae kau tagata o Isileli mo Juta, o nau kaila, o nau tuli ae kau Filisitia, o a‘u atu ki he toafa, bea ki he gaahi mataba o Ekiloni. Bea nae to ki lalo ae kau kafo oe kakai Filisitia i he hala ki Sealeimi, io o a‘u atu ki Kati mo Ekiloni.

53 Bea nae liu mai ae fānau a Isileli mei he e nau tuli ki he kakai Filisitia, o nau maumau‘i ho nau gaahi fale abitaga.

54 Bea nae too e Tevita ae ulu oe tagata Filisitia, o ne omi ia ki Jelusalema; ka naa ne ai ene mahafu tau ki hono fale fehikitaki.

55 Bea i he mamata a Saula ki he alu atu a Tevita ke tau‘i ae tagata Filisitia, nae behe eia kia Abina koe eiki o ene tau, Abina, koe foha ohai ae tamajii ni? bea behe e Abina, Hage oku moui ho laumalie E tui, oku ikai teu iloa.

56 Bea behe e he tu‘i, Ke ke fehui koe, be koe foha ohai ae tagata jii ni.

57 Bea i he liu mai a Tevita mei he tamate‘i oe tagata Filisitia, nae ma‘u ia e Abina, o ne omi ia ki he ao o Saula moe ulu oe Filisitia nae i hono nima.

58 Bea nae behe e Saula kiate ia, Koe foha koe o hai? Bea nae beheage e Tevita, koe foha  au o hoo tamaioeiki ko Jese koe tagata Betelihema.