¶ 1 BEA nae hoko ae lea a Samuela ki Isileli kotoabe. Bea nae alu a Isileli ke tau‘i ae kakai Filisitia, o nau nofoaki o ofi ki Ebenisa: bea nae nofoaki ae kau Filisitia i Efeki.

2 Bea nae hiki ae tau ae kau Filisitia ke tau ki Isileli: bea i he fakahoko ae tau, nae teia leva a Isileli i he ao oe kau Filisitia: bea naa nau ta‘i i he tau i he goue ae kau tagata e toko fa afe nai.

¶ 3 Bea i he hoko mai ae kakai ki he abitaga, nae behe e he kau mātua o Isileli, Koeha kuo teia ai e Jihova akitautolu he aho ni i he ao oe kau Filisitia? Ke tau omi kiate kitautolu ae buha oe fuakava o Jihova mei Sailo, koeuhi, i he ene hoko kiate kitautolu, ke ne fakamoui akitautolu mei he nima o ho tau gaahi fili.

4 Koia nae fekau e he kakai ki Sailo, koeuhi ke nau omi mei ai ae buha oe fuakava o Jihova oe gaahi kau tau, koia oku nofo i he vahaa oe ogo Jelubi: bea nae ha‘u ai ae ogo foha o Ilai, ko Hofini mo Finiasi, moe buha oe fuakava oe Otua.

5 Bea i he hoko ae buha oe fuakava o Jihova ki he abitaga, nae mavava a Isileli kotoabe i he mavava lahi, koia nae uulu ai ae fonua.

6 Bea i he fanogo ae kakai Filisitia ki he logoaa oe mavava, naa nau behe, Koeha hono uhiga oe fuu mavava lahi ni i he abitaga oe kakai Hebelu? Bea naa nau ilo kuo hoko ae buha tabu o Jihova ki he abitaga.

7 Bea nae manavahe ai ae kakai Filisitia, he naa nau behe, Kuo haele mai ae Otua ki he abitaga. Bea naa nau behe, Malaia kiate kitautolu! he kuo ikai ha mea behe talu mei mu‘a.

8 Malaia kiate kitautolu! kohai te ne fakamoui akitautolu mei he nima oe gaahi Otua mafimafi na? koe gaahi Otua eni nae ta‘i ae kakai Ijibite i he gaahi mea mamahi lahi i he toafa.

9 Ae kau Filisitia, mou malohi, o fai o galigali tagata, telia naa mou hoko koe kau hoboate ki he kakai Hebelu, o hage ko e nau hoboate kiate kimoutolu: fai o gali moe kau tagata o tau.

¶ 10 Bea nae tau ae kau Filisitia, bea nae toe teia a Isileli, bea naa nau hola ae tagata taki taha ki hono fale fehikitaki: bea nae mate ai ae toko lahi aubito; he nae to ai ae toko tolu mano oe kau tagata Isileli na‘e alu i lalo.

11 Bea nae moua ae buha tabu oe Otua; bea nae tamate‘i ae ogo foha o Ilai ko Hofini mo Finiasi.

¶ 12 Bea nae lele ae tagata Benijimani mei he tau, o hoko ki Sailo i he aho koia, kuo mahaehae hono kofu, bea bani kelekele hono ulu.

13 Bea i he ene hoko ki ai vakai nae nofo leo be a Ilai i he nofoa i he veehala: he nae tetetete hono loto telia ae buha tabu oe Otua. Bea i he hoko ae tagata ki he kolo, o fakaha ia, nae tagi kalaga ae kolo kotoabe.

14 Bea i he ene ogo‘i e Ilai ae le‘o oe tagi, nae behe eia, Koeha hono uhiga oe maveuveu ni? Bea nae ha‘u fakatootoo ae tagata o tala kia Ilai.

15 Bea nae hivagofulu ta‘u moe ta‘u e valu ae motua o Ilai; bea kuo bouli hono mata, nae ikai faa mamata.

16 Bea nae behe e he tagata kia Ilai, Ko au ia kuou ha‘u mei he tau, beau hola mei he tau he aho ni. Bea behe eia, E hoku foha, Koeha kuo fai?

17 Bea talaage e he tagata fekau, Kuo hola a Isileli mei he ao oe kakai Filisitia, bea kuo to ae toko lahi i he kakai, bea kuo mate a ho ogo foha ko Hofini mo Finiasi, bea kuo moua ae buha tabu oe Otua.

18 Bea i he ene lea ki he buha tabu oe Otua, nae hoko o behe, nae to fakaholomui ia mei he nofoa i he botu oe mataba, bea mafeji ai hono kia, bea bekia ai: he koe tagata motua ia bea mamafa. Bea nae fakamāu‘i eia a Isileli i he ta‘u e fagofulu.

¶ 19 Bea nae feitama hono ofefine i he fono, koe unoho o Finiasi, kuo kakato hono mahina ke faele: bea i he ene ogo‘i ae ogoogo kuo moua ae buha tabu oe Otua, bea kuo bekia a ene tamai i he fono, mo hono unoho, nae bunou hifo eia ia bea laga; he nae hoko leva ae laga kiate ia.

20 Bea feuga mo ene bekia, nae behe kiate ia e he kau fefine nae tuu ofi kiate ia, Oua naa ke manavahe; he kuo ke faele‘i ae tama. Ka nae ikai te ne lea, bea nae ikai te ne tokaga ki ai.

21 Bea naa ne ui ae tama ko Ikabote, koe behe, Kuo mole ae nāunāu mei Isileli: koeuhi kuo moua ae buha tabu oe Otua, bea koeuhi kuo bekia ene tamai i he fono mo hono unoho.

22 Bea nae behe eia, Kuo mole ae nāunāu mei Isileli: he kuo moua ae buha tabu oe Otua.