¶ 1 BEA nae ha‘u ae kau tagata Sifi kia Saula ki Kibea, o nau behe, Ikai oku toitoi a Tevita i he mouga o Hakila aia oku haga ki Jesimoni?

2 Bea nae alu atu a Saula o ne hifo ki he toafa o Sifi, nae iate ia ae kau tagata e toko tolu afe nae fili mei Isileli, ke nau kumi a Tevita i he toafa o Sifi.

3 Bea nae abitaga a Saula i he mouga o Hakila, aia oku haga ki Jesimoni, i he veehala. Ka nae nofo a Tevita i he toafa, o ne vakai mei ai ae ha‘u a Saula ke kumi ia i he toafa.

4 Koia nae fekau ai e Tevita ae kau mataki, o ne ilo kuo ha‘u mooni a Saula.

¶ 5 Bea nae tuu hake a Tevita, o ne ha‘u ki he botu aia nae nofo abitaga ai a Saula: bea nae vakai e Tevita ki he botu nae tokoto ai a Saula mo Abina koe foha o Nea, koe eiki oe tau: bea nae tokoto a Saula i he ene jaliote, bea nae nofo takatakai a ene kakai kiate ia.

6 Bea nae lea a Tevita o behe kia Ahimeleki koe tagata Heti, mo Abisai koe tama a Seluia, koe tokoua o Joabe, o behe, Kohai e alu hifo mo au kia Saula ki he abitaga? bea nae behe e Abisai, Ta o hifo mo koe.

7 Koia nae hoko ai a Tevita mo Abisai ki he kakai i he bouli: bea, vakai, nae tokoto o mohe a Saula i he ene jaliote, bea nae velo hono tao ki he kelekele i hono oluga: bea nae tokoto a Abina moe kakai o takatakai iate ia.

8 Bea nae behe ai e Abisai kia Tevita, Kuo tuku e he Otua a ho fili ki ho nima he aho ni: bea koeni oku ou kole kiate koe, tuku keu velo‘i leva ia aki ae tao ki he kelekele, bea e ikai teu velo‘i ia ke liuga ua.

9 Bea nae behe e Tevita kia Abisai, Oua naa tamate‘i ia: he kohai e mafao atu hono nima ki he fakatabu‘i a Jihova bea taeagahala ia?

10 Bea nae lea foki a Tevita, Oku moui a Jihova bea e ta‘i ia e Jihova; bea e hokojia hono aho ke mate ai; be te ne alu ki ha tau, bea mate ai.

11 Ke taofi au e Jihova ke auo naaku mafao hoku nima ki he fakatabu‘i a Jihova: ka oku ou kole kiate koe, ke ke too ni ae tao oku i hono oluga, bea moe ibu vai, bea ke ta o.

12 Koia nae too ai e Tevita ae tao moe ibu vai mei he oluga o Saula: bea ne na hiki, o na o, bea nae ikai mamata ki ai ha tagata e toko taha, be ilo ia, be a ai: he kuo nau mohe kotoabe; koeuhi kuo to kiate kinautolu ae mohe mau mei a Jihova.

¶ 13 Bea nae alu ai a Tevita o laka ki he botu e taha, bea tuu ia ki he tumutumu oe mouga o mamao ai; koe ataatā lahi nae i ho na vahaa:

14 Bea nae ui e Tevita ki he kakai, bea kia Abina koe foha o Nea, o behe, Abina oku ikai te ke lea? Bea nae lea ai a Abina, o behe, Kohai koe oku ke ui ki he tu‘i?

15 Bea nae behe e Tevita kia Abina, Ikai koe tagata koe? bea kohai oku hage ko koe i Isileli? bea koeha oku ikai te ke malui ai hoo eiki koe tu‘i? he nae alu atu ha toko taha mei he kakai ke ta‘i ae tu‘i ko ho eiki.

16 Koe mea kuo ke fai oku ikai lelei. Hage oku moui a Jihova, oku totonu ke mou mate tamate‘i, koeuhi nae ikai te mou leohi ho mou eiki koe fakatabu‘i e Jihova. Bea koeni, vakai, kuo ife ae tao oe tu‘i moe ibu vai nae i hono aluga.

17 Bea nae ilo e Saula ae le‘o o Tevita, o ne behe, He ko ho le‘o ena, a hoku foha ko Tevita? Bea behe e Tevita, Ko hoku le‘o ia, E tu‘i ko hoku eiki.

18 Bea nae behe eia, Koeha oku tuli behe ai e hoku eiki ki hoo tamaioeiki? he koeha ia naaku fai? be koeha ha kovi oku i hoku nima?

19 Bea koeni, Oku ou kole kiate koe, ke fanogo e hoku eiki koe tu‘i ki he lea a hoo tamaioeiki. Kabau kuo laga‘i koe e Jihova ke tau‘i au, tuku ke ne ma‘u malie ha feilaulau: bea kabau oku mei he fānau ae tagata, ke malaia akinautolu i he ao o Jihova; he kuo nau kabuji au he aho ni, ke oua naaku nofo i he tofia o Jihova, o nau behe, Alu o tauhi ae gaahi otua kehe.

20 Bea koeni, ke oua naa tafe hoku toto ki he kelekele i he ao ae fofoga o Jihova: he kuo ha‘u kituaa ae tu‘i o Isileli ke kumi ae kutufiji, o hage ha toko taha oku tuli ae veka i he gaahi mouga.

¶ 21 Bea behe ai e Saula, Ku ou fai agahala: e hoku foha ko Tevita, tafoki mai: e ikai teu toe fai ha kovi kiate koe, koeuhi nae maogooga a hoku laumalie i ho ao he aho ni: vakai, kuou fai ae aga fakavalevale, bea kuou he lahi aubito.

22 Bea nae tali e Tevita o behe, Vakai, koe tao oe tu‘i! bea ke ha‘u ha toko taha oe kau talavou o atu ia.

23 Ke atu e Jihova ki he tagata kotoabe o hage ko ene maonioni mo ene agatonu: he nae tuku mai koe e Jihova ki hoku nima he aho ni, ka nae ikai teu loto ke mafao atu hoku nima ke ta‘i ae fakatabu‘i e Jihova.

24 Bea, vakai, hage nae mahuiga lahi hoo moui he aho ni i hoku mata, ofa ke mahuiga behe eku moui i he ao o Jihova, bea ke fakamoui eia au mei he gaahi mamahi kotoabe.

25 Bea nae behe e Saula kia Tevita, E hoku foha ko Tevita: ke monuia be akoe, he te ke fai be ekoe ae gaahi mea lahi, bea ke ikuna foki. Bea nae alu a Tevita i hono hala, bea liu atu a Saula ki hono botu.