¶ 1 BEA nae lotu a Ana, o behe, Oku fiefia hoku loto ia Jihova, oku fakahikihiki hoku malohi ia Jihova; kuo mafaa hoku gutu ki hoku gaahi fili; koe mea i he eku fiefia i hoo fakamoui.

2 Oku ikai ha toko taha oku maonioni o hage ko Jihova: he oku ikai ha toko taha mo koe: bea oku ikai foki ha makatuu o hage ko ho tau Otua.

3 Oua naa toe talanoa fakafiefielahi faufau behe; oua naa ba mai ae lea malohi mei ho gutu: he koe Otua oe loto a Jihova, bea oku eke‘i eia ae gaahi faiaga.

4 Kuo feji‘i ae gaahi kaufana ae kau tagata malohi, bea ko kinautolu nae tūkia kuo nonoo aki ae malohi.

5 Ko kinautolu nae makona kuo nau fakamoua akinautolu ke gaue ki he mea kai; bea kuo gata akinautolu nae fiekaia: bea kuo fanau‘i ae toko fitu e he baa; bea koia kuo toko lahi ene fānau kuo hoko a vaivai.

6 Oku tamate‘i e Jihova, bea ne fakamoui: oku ne o hifo ki he faitoka, bea oku ne toe o hake.

7 Oku fakamajiva e Jihova, bea ne fakamaumea‘i: oku ne fakamoulaloa, mo ne hiki ki oluga.

8 Oku ne hiki hake ae majiva mei he efu, o fakahikihiki ae faa kole mei he tuuga veve, ke fakanofo akinautolu moe houeiki, bea ke ne gaohi akinautolu ke nau ma‘u ae nofoa fakaeieiki: he koe gaahi bou o mamani oku o Jihova, bea kuo ne fokotuu a mamani ki ai.

9 E tauhi eia ae va‘e o ene kau maonioni, bea e logo be ae kau agakovi i he bouli; koeuhi e ikai lava‘i ha mea e ha tagata i he malohi.

10 E fejifeji‘i ae gaahi fili o Jihova; e mana eia kiate kinautolu mei lagi: e fakamāu e Jihova ae gaahi gataaga o mamani; bea e foaki eia ae malohi ki he ene tu‘i, bea ne fakahikihiki ae malohi oia kuo ne bani.

¶ 11 Bea nae alu a Elikena ki hono fale ki Lama. Bea nae tauhi a Jihova e he tamajii i he ao o Ilai koe taulaeiki.

¶ 12 Ka koeni koe fānau oe agakovi ae ogo foha o Ilai; nae ikai te na ilo a Jihova.

13 Bea koe aga nae fai e he taulaeiki ki he kakai, nae behe, i he atu e ha tagata ha feilaulau, nae ha‘u ae tamaioeiki ae taulaeiki i he kei haka ae kakano, moe mea huhu matatolu i hono nima;

14 Bea naa ne velo ia ki he fakabaku, be koe kulo, be ha mea haka luoluo, bea iloga aia nae matoo hake e he huhu nae ave ia e he taulaeiki maana. Bea nae behe e nau fai i Sailo ki he kakai Isileli kotoabe nae alu ki ai.

15 Bea i he teeki ai tutu foki ae gako, nae ha‘u ae tamaioeiki ae taulaeiki, o ne behe ki he tagata oku fai ae feilaulau, Tuku mai ae kakano ke tunu ma ae taulaeiki; koeuhi e ikai te ne kai kakano haka iate koe, ka koe kanomate.

16 Bea kabau nae beheage e ha tagata kiate ia, Oua naa nau taofi kae tutu leva ae gako, bea ke toki ave aia kotoabe oku ke loto ki ai; nae tali behe leva eia ia, Ikai; ka ke tuku mai leva ia kiate au: bea kabau e ikai, teu ave fakamalohi ia.

17 Koia nae lahi aubito ae agahala ae ogo talavou i he ao o Jihova: he nae fehia ae kakai ki he feilaulau ki Jihova.

¶ 18 Ka nae tauhi e Samuela i he ao o Jihova, koe tamajii kuo nonoo aki ae efoti oe tubenu lelei.

19 Bea nae gaohi foki e he ene fa‘e ae kofutua jii, o omi kiate ia i he ta‘u kotoabe, i he ene alu hake mo hono unoho ke atu ae feilaulau oe ta‘u.

¶ 20 Bea nae tabuaki e Ilai a Elikena mo hono unoho, o ne behe, Ke atu e Jihova kiate koe ae hako i he fefine ni i he kole ni aia kuo tuku kia Jihova. Bea naa na o ki ho na abi.

21 Bea nae aahi a Jihova kia Ana, koia naa ne feitama, bea ne faele‘i ae tama e toko tolu moe taahine e toko ua. Bea nae tubu be ae tamajii ko Samuela i he ao o Jihova.

¶ 22 Bea kuo motua lahi a Ilai, o ne fanogo ki he mea kotoabe nae fai e hono ogo foha ki Isileli kotoabe; moe nau mohe moe kau fefine nae fakataha i he mataba oe fale fehikitaki oe kakai.

23 Bea nae behe eia kiate kinaua. Koeha oku mo fai ai ae gaahi mea behe? he oku ou fanogo ki hoo mou faiagakovi i he kakai ni kotoabe.

24 Oua, e hoku ogo foha; he oku ikai koe ogolelei oku ou ogo‘i: oku mou fakalaga ae lāuga i he kakai o Jihova.

25 Kabau oku fai agahala ha tagata e toko taha ki he toko taha, e fakamāu‘i ia e he fakamāu: bea kabau oku fai agahala e ha tagata kia Jihova, kohai te ne fakalaloa‘i ia? Ka nae ikai te na tokaga ki he le‘o o ena tamai, koeuhi nae finagalo a Jihova ke tamate‘i akinaua.

26 Bea nae tubu be ae tamajii ko Samuela, bea nae ofeina ia ia Jihova, bea moe kakai foki.

¶ 27 Bea nae ha‘u ae tagata oe Otua kia Ilai, o ne behe kiate ia, Oku behe mai a Jihova, Ikai naaku ha atu au ki he fale o hoo tamai i he e nau i Ijibite i he fale o Felo?

28 Bea ikai naaku fili ia mei he gaahi aahiga o Isileli ke hoko ko hoku aulaeiki, ke fai ae gaue i he eku feilaulauaga, ke tutu ae mea namu kakala, bea ke kofu aki ae efoti i hoku ao? bea ikai naaku foaki ki he fale o hoo tamai, ae gaahi feilaulau nae gaohi aki ae afi e he fānau kotoabe a Isileli?

29 Koeha oku mou akahi ai ki he eku feilaulau, moe mea atu, aia kuou fekau‘i i hoku nofoaga; mo ke fakaabaaba lahi hake ki ho ogo foha iate au, ke fakajino akimoutolu aki ae lelei lahi oe gaahi feilaulau a Isileli ko hoku kakai?

30 Koia oku behe ai e Jihova koe Otua o Isileli, Naaku behe mooni, ko ho fale moe fale o hoo tamai, e aeva i hoku ao o taegata: ka ko eni, oku behe e Jihova, Ke mamao ia iate au; he ko kinautolu oku fakaabaaba kiate au, teu fakahikihiki‘i akinautolu, bea ko kinautolu oku manuki‘i au e ikai teu tokaga‘i.

31 Vakai, e hoko ae gaahi aho, teu motuhi ai ho nima, bea moe nima oe fale o hoo tamai, bea e ikai ai ha tagata e motua i ho fale.

32 Bea te ke mamata ki he fakamamahi‘i o hoku nofoaga, ne ogo ae lelei kotoabe kuo foaki ki Isileli: bea e ikai ha tagata e motua i ho fale o taegata.

33 Bea koe tagata oou, aia e ikai teu motuhi mei hoku feilaulauaga, e hoko ia ke fakakui ho mata, mo fakamamahi ki ho loto: bea koia kotoabe e tubu i ho fale te nau mate i he e nau kei fatu tagata.

34 Bea koe fakailoga eni kiate koe, aia e hoko ki ho ogo foha, a Hofini mo Finiasi; e mate akinaua i he aho be taha.

35 Bea teu fokotuu mooku ae taulaeiki agatonu, aia te ne fai o fakatatau mo ia oku i hoku loto mo hoku atamai: bea teu laga moona ae fale ke mau; bea e eveeva ia i he ao oia kuou bani o taegata.

36 Bea e hoko o behe, e ha‘u kiate ia akinautolu kotoabe oku toe i ho fale, o bunou kiate ia ke ma‘u ai ae koga siliva, moe koga ma, bea te nau behe, Oku ou kole kiate koe, tuku kiate au ha botu gaue fakataulaeiki, keu kai ai ha koga ma.