“Ko e Hā e Misiona mo e Ngāue ʻa Kalaisí?,” Liahona, Sānuali 2023.
Haʻu ʻo, Muimui ʻIate Au
Ko e Hā e Misiona mo e Ngāue ʻa Kalaisí?
Ko e Malanga ʻi he Moʻungá, tā ʻa James Tissot © Brooklyn Museum of Art / Bridgeman Images
Naʻe fuakava ʻa Sīsū Kalaisi ʻi he maama fakalaumālié ke hāʻele mai ki Māmani pea hoko ko hotau Fakamoʻuí (vakai, Mōsese 4:2; ʻĒpalahame 3:27). ʻI Heʻene hoko ko hotau Fakamoʻuí, naʻá Ne fakatou fakahoko Hono misioná mo ʻEne ngāué.
Naʻe fakamatala ʻe Palesiteni Lāsolo M. Nalesoni ʻo pehē: “Ko e misiona ʻo e ʻEikí ʻi he moʻui fakamatelié ke fakahoko ʻa e Fakaleleí … [pea] ke ʻai ʻa e moʻui taʻengatá ke malava ʻo maʻu ʻe ha taha pē ʻoku taau mo ia. … Naʻe hoko ʻEne ngāué ko e meʻa kehe kotoa pē naʻá Ne faí—ʻEne ngaahi maná, ʻEne ngaahi akonakí, ʻEne ʻofá, ʻEne tokanga taha ki he ngaahi ouaú, mo ʻEne akoʻi kitautolu ki he founga ʻo e lotú.1
ʻOku fakamatalaʻi e ngaahi tafaʻaki ʻo e misiona mo e ngāue ʻa Kalaisí ʻi ha ngaahi feituʻu lahi ʻi he folofolá. Vakai ki he ngaahi fakamatala naʻe fai ʻe Heʻene faʻē ko Melé, ʻi heLuke 1:46–55. Naʻe hoko foki ʻa ʻAna ko ha faʻifaʻitakiʻanga ʻo e angavaivaí, naʻá ne lotu fekauʻaki mo e ngāue ʻa e ʻEikí ʻi he 1 Samuela 2:1–10.
Hangē ko hono fokotuʻu mai ʻe he tohi lēsoni Haʻu ʻo, Muimui ʻIate Aú, te ke lava ʻo fakafehoanaki ʻeni mo e Ngaahi Tāpuaki ʻa Sīsuú ʻi he Mātiu 5:3–12.2
Fakakaukau ke lisi ha niʻihi ʻo e ngaahi tafaʻaki ʻo e ngāue ʻa Kalaisí ʻoku fakamatalaʻi ʻe he ngaahi potufolofola ko ʻení; kuo lisi ha tafaʻaki ʻe taha ko ha sīpinga:
-
Naʻe hāʻele mai ʻa Kalaisi ke tokoni ke fakafiemālieʻi ʻetau fiekaia fakalaumālié (vakai, 1 Samuela 2:5; Luke 1:53; Mātiu 5:6).