“ʻOku Tāpuekina Fēfē Nai Kitautolu ʻe he Maama ʻo Māmaní?,” Liahona, Sānuali 2023.
Haʻu ʻo, Muimui ʻIate Au
ʻOku Tāpuekina Fēfē Nai Kitautolu ʻe he Maama ʻo Māmaní?
Ko e Hāʻele ʻAngaua Maí, tā ʻe Grant Romney Clawson, fakatefito ʻi ha tatau moʻoni ne fai ʻe Harry Anderson
Naʻe haʻu ʻa Sione “ke fakamoʻoni ki he Māmá,” “ko e Maama moʻoní ia, ʻokú ne fakamaama ki he tangata kotoa pē ʻoku haʻu ki māmaní” (Sione1:7, 9). “Ko e maama ʻoku ʻalu atu mei he ʻao ʻo e ʻOtuá … [pea] ʻoku foaki ʻa e moʻuí ki he ngaahi meʻa kotoa pē” (Tokāteline mo e NgaahiFuakava 88:12–13).
ʻOku tāpuekina fēfē nai kitautolu ʻe he māmá? Vakai, ʻAlamā 19:6; 36:20; Tokāteline mo e Ngaahi Fuakava 88:67.
Ko e hā ʻoku fekauʻaki mo e māmá? Vakai, Tokāteline mo e Ngaahi Fuakava 84:45.
ʻOku tau tupulaki fēfē nai ʻi he māmá? Vakai, Tokāteline mo e Ngaahi Fuakava 93:28
Ko hai ʻa e Maama ʻo Māmaní? Vakai, Sione 8:12; 3 Nīfai 18:16, 24.
Naʻe akoʻi ʻe Palesiteni Lorenzo Snow (1814–1901), “ʻOku mau tui ko e laumālie ko ia ʻokú ne fakamaama ʻa e faʻahinga ʻo e tangatá ʻoku haʻu ia mei he ʻao ʻo e ʻOtua Māfimafí, ʻoku mafola ia ʻi he tapa kotoa pē, pea ko e maama mo e moʻui ia ʻo e ngaahi meʻa kotoa pē, pea ʻoku maʻu ia ʻe he loto faitotonu kotoa pē ʻo fakatatau ki heʻene angamaʻá, angatonú, pea mo ʻene fakaʻamu ke ʻiloʻi ʻa e moʻoní pea fai lelei ki hono kāingá“Lorenzo Snow (The Teachings of Lorenzo Snow, ed. Clyde J. Williams [1996], 107).